Ganesh Chaturthi 2026: બોલીવુડમાં ગણેશ ચતુર્થીનો ઉત્સાહ, આ સેલેબ્સે ઘરે કર્યું બાપ્પાનું સ્વાગત

Ganesh Chaturthi 2026: ભગવાન ગણેશને સમર્પિત ગણેશ ચતુર્થીનો તહેવાર સોમવારથી શરૂ થયો. દર વર્ષે દરેક વ્યક્તિ આ ખાસ તહેવારની આતુરતાથી રાહ જુએ છે. સામાન્ય નાગરિકોની જેમ, બોલીવુડ સેલિબ્રિટીઓ પણ ખૂબ જ ઉત્સાહથી ગણેશ ચતુર્થી ઉજવે છે.

દર વર્ષની જેમ એન્ટરટેઈનમેન્ટ ઈન્ડસ્ટ્રીમાં ગણેશ ચતુર્થીની ઉજવણી ખૂબ જ ઉત્સાહથી કરવામાં આવી રહી છે, અને ઘણા સ્ટાર્સે ભગવાન ગણેશનું તેમના ઘરે સ્વાગત કર્યું છે. તમને જણાવી દઈએ કે કયા સેલિબ્રિટીઓએ ગણેશ ચતુર્થીની ઉજવણી કરી.

આ સેલેબ્સના ઘરે બાપ્પા આવ્યા

મુંબઈમાં ગણેશ ચતુર્થીની ઉજવણી ખૂબ જ ધામધૂમથી કરવામાં આવે છે. સપનાના શહેરના સેલેબ્સ પણ આ ઉજવણીમાં ભાગ લે છે. બોલીવુડ સુપરસ્ટાર અક્ષય કુમારે પોતાના ઓફિશિયલ ઈન્સ્ટાગ્રામ હેન્ડલ પર એક ખાસ ટ્વીટ શેર કરીને દરેકને ગણેશ ચતુર્થીની શુભકામનાઓ પાઠવી છે. તેને લખ્યું છે કે "ગણપતિ બાપ્પાનું આગમન દરેક ઘરમાં ખુશીઓ અને દરેક દિલમાં શાંતિ લાવે. ગણપતિ બાપ્પા મોર્યા."

વધુમાં પ્રિયંકા ચોપરા, કાજોલ અને રવિના ટંડન સહિત ઘણી બી-ટાઉન એક્ટ્રેસે તેમના ઓફિશિયલ સોશિયલ મીડિયા હેન્ડલ દ્વારા તેમના ફેન્સને ગણેશ ચતુર્થીની શુભેચ્છા પાઠવી છે. રવિનાએ તેના ઘરે ગણપતિની મૂર્તિની એક ઝલક પણ શેર કરી છે.

આ સિવાય ફિલ્મ આલ્ફાથી ફેન્સના દિલ જીતનાર એક્ટ્રેસ શરવરી વાઘે તેના ઓફિશિયલ ઈન્સ્ટાગ્રામ હેન્ડલ પર ગણેશ ચતુર્થીની ઉજવણીની તસવીરો શેર કરી છે, જેમાં તેનો પરિવાર પણ તેની સાથે જોવા મળી રહ્યો છે.

કંગના રનૌતે ફેન્સને પાઠવી શુભેચ્છા

બોલીવુડ સ્ટાર અને બીજેપી સાંસદ કંગના રનૌતે પણ ફેન્સને તેની ભગવાન ગણેશની મૂર્તિની ઝલક બતાવી હતી અને શુભેચ્છા પાઠવી હતી અને લખ્યું હતું કે “ગણેશ ચતુર્થીની હાર્દિક શુભેચ્છાઓ.”

આ દરમિયાન ગોલમાલ 5 સ્ટાર તુષાર કપૂરે પોતાના ઘરે ગણપતિની એક ઝલક ફેન્સ સાથે શેર કરી. ઈન્ડસ્ટ્રીના અન્ય ઘણા સ્ટાર્સે પણ ગણેશ ચતુર્થીની ઉજવણી કરી.

સૈફ અલી ખાનને ઘરે બનાવ્યા ગણપતિ

આ ગણેશ ચતુર્થીએ સૌથી વધુ ચર્ચામાં રહેલું નામ છે એક્ટર સૈફ અલી ખાન છે. સૈફની પત્ની અને બી-ટાઉન એક્ટ્રેસ કરીના કપૂરે તેના ઓફિશિયલ ઈન્સ્ટાગ્રામ હેન્ડલ પર સૈફ અલી ખાનની માટીમાંથી ભગવાન ગણેશ બનાવવાની પ્રતિભાનો એક સુંદર ફોટો શેર કર્યો છે.

આ પણ વાંચો: Yami Gautam: યામી ગૌતમની ‘નઈ નવેલી’નું ટીઝર લોન્ચ, હોરર સાથે કોમેડીનો જબરદસ્ત તડકો; 16 ઓક્ટોબરે થશે રિલીઝ