Salman Khanએ બોડી-શેમર્સ પર કર્યા આકરા પ્રહારો, મહિલાઓના સન્માન વિશે કરી વાત, પાપારાઝીથી થયો નારાજ

Salman Khan: બિગ બોસ 20ના વીકેન્ડ કા વાર ના ઘણા વીડિયો સોશિયલ મીડિયા પર વાયરલ થઈ રહ્યા છે, જેમાં સલમાન ખાન કન્ટેસ્ટન્ટ સાથે ટ્રોલિંગ, એજ-શેમિંગ અને બોડી-શેમિંગ વિશે વાત કરતા જોવા મળે છે. તે કહે છે કે "દરેક વ્યક્તિ અચાનક ઉંમર વિશે વાત કરવાનું શરૂ કરે છે, કે તેઓ વૃદ્ધ થઈ ગયા છે. તમે શેના વિશે ટ્રોલ કરવા માગો છો? તેમનું વજન, તેમનો દેખાવ, તેમનો પરિવાર, કોઈની સ્માઈલ, કોઈની નિષ્ફળતા, કોઈ માતા બની રહ્યું છે? તમે તમારા સંસ્કારનો દેખાવ કરી રહ્યા છો."

બોડી શેમિંગ પર સલમાન ખાન ગુસ્સે થયો

સલમાને વધુમાં કહ્યું કે તેને પણ વૃદ્ધ હોવાને કારણે ટ્રોલ કરવામાં આવ્યો હતો. એક્ટરે કહ્યું કે "હા, હું 60 વર્ષનો છું, મિત્ર. તમે પ્રેગ્નેન્ટ સ્ત્રીને કેમ ટ્રોલ કરો છો? પ્રેગ્નેન્સી પછી દરેકનું વજન વધે છે... પ્રેગ્નેન્સી હતી ત્યારે તેનું વજન વધ્યું હતું, જ્યારે તે ફિલ્મોમાં પરત ફરશે ત્યારે તે ફિટ થઈ જશે. તે તેના પરિવાર સાથે સમય વિતાવવા માગતી હતી. ટ્રોલ ન કરો." પરંતુ સલમાને વીડિયોમાં કોઈનું નામ લીધું નથી, લોકો માને છે કે તે કેટરિના કૈફનો બચાવ કરી રહ્યો છે, જેને માતા બન્યા પછી વજન વધવા બદલ ટ્રોલ કરવામાં આવી રહી હતી. વાયરલ વીડિયોમાં સલમાનને ગુસ્સે થતા અને તેનો કોટ ઉતારતા અને ટોપી ફેંકતા જોઈ શકાય છે જ્યારે તે કન્ટેસ્ટન્ટ સાથે ટ્રોલિંગ વિશે વાત કરી રહ્યો હતો.

સલમાન ખાને પાપારાઝીની હરકતો પર નારાજગી વ્યક્ત કરી

આ એપિસોડમાં સલમાન ખાને પાછળથી સેલિબ્રિટીઝના ફોટા પાડનારાઓની ટીકા કરી હતી. તેને કહ્યું કે "પાપારાઝી પાછળથી એક શોટ લે છે, જે કોઈ હિરોઈનને પસંદ નથી? કેટલાક લોકો કહેશે, 'ઠીક છે, મને તેનાથી કોઈ વાંધો નથી,' પરંતુ જેમને તે પસંદ નથી તેમના વિશે શું? મેં તાજેતરમાં જ સાઈ માંજરેકરને તેનાથી ખૂબ જ અસ્વસ્થતા અનુભવતી જોઈ, નેહા ધૂપિયાએ તેની વિરુદ્ધ વાત કરી. મારી પોતાની ભત્રીજી, તે ચાલી રહી હતી અને તેઓ સતત પાછળથી ફોટા પાડી રહ્યા હતા, અને કેપ્શન શું હતું? અનુમાન કરો કે તે કોણ છે. આ કરવાવાળા તેઓ કોણ છે?"

View post on Instagram

સલમાન ખાન મહિલાઓના સન્માન વિશે વાત કરી

સલમાન ખાને પછી મહિલાઓના સન્માન વિશે વાત કરી. તેમને આ વાતને નાપસંદ કરનારા તમામ લોકોને એક સ્ટેન્ડ લેવા વિનંતી કરી. તેમને કહ્યું કે "હું એવી બધી છોકરીઓને કહી રહ્યો છું જેમને આ પસંદ નથી. જ્યાં પણ આવું થાય છે, ત્યાં જઈને તેમને થપ્પડ મારી દો. તેમને કહો કે તેઓ તેમની માતાઓ કે બહેનોના આવા ફોટા પાડે અને તમને બતાવે. તેઓ દરેક ફંક્શનમાં આવું કરે છે. આ કેવા પ્રકારની વિચારસરણી છે? હું જે 90% છોકરીઓને જાણું છું જે હવે માતા છે તેઓ પહેલા આ ઈચ્છતી ન હતી અને હજુ પણ તે ઈચ્છતી નથી. હું એવા લોકોને જોવા માગુ છું જે આ વીડિયો બનાવે છે, અને જો મને ખબર પડે કે તેઓ કોણ છે, તો..."

View post on Instagram

કેટરિના કૈફ બોડી શેમિંગનો બની શિકાર

થોડા દિવસો પહેલા કેટરીનાએ તેના પતિ વિક્કી કૌશલ સાથે ગણપતિ સેલિબ્રેશનમાં હાજરી આપી હતી. પ્રેગ્નેન્સી પછી તેના વજનમાં વધારો થવાથી ઘણા લોકોનું ધ્યાન ખેંચાયું હતું, અને તેને સોશિયલ મીડિયા પર ટ્રોલ કરવામાં આવી હતી. ઘણા સેલિબ્રિટી કેટરીનાના સમર્થનમાં બહાર આવ્યા છે, પરંતુ એક્ટ્રેસે હજુ સુધી કોઈ પ્રતિક્રિયા આપી નથી.

આ પણ વાંચો: Rohit Sharmaનું ટીવી ડેબ્યૂ રહ્યું હિટ, 'ફેમિલી ફુલ હાઉસ'થી જોઈને ખુશ થયા ફેન્સ