Ranbir Kapoorની ફિલ્મ 'રામાયણ'માં ઈંગ્લિશ વર્ઝન કેમ હશે ટૂંકું? જાણો કારણ
Ranbir Kapoor
Ranbir Kapoorની ફિલ્મ 'રામાયણ'માં ઈંગ્લિશ વર્ઝન કેમ હશે ટૂંકું? જાણો કારણ
Ranbir Kapoor
Ranbir Kapoor: બોલીવુડ એક્ટર રણબીર કપૂરની મચઅવેટેડ ફિલ્મ 'રામાયણ' વિશ્વભરમાં રિલીઝ માટે તૈયાર છે અને ફેન્સ આ ફિલ્મની આતુરતાથી રાહ જોઈ રહ્યા છે. રિલીઝને હવે એક મહિનાથી પણ ઓછો સમય બાકી છે ત્યારે આ ફિલ્મ વિશે એક મોટા સમાચાર સામે આવ્યો છે. મીડિયા રિપોર્ટ મુજબ આ ફિલ્મના 2 વર્ઝન રિલીઝ કરવામાં આવશે, જેમાં ઈંગ્લિશ વર્ઝન હિન્દી વર્ઝન કરતાં 30 મિનિટ ટૂંકું હશે.
રનટાઈમમાં 30 મિનિટનો તફાવત અને ગીતની શક્યતા
યુએસ થિયેટર ચેઈન AMCની લિસ્ટિંગ મુજબ ફિલ્મ 'રામાયણ'ના હિન્દી વર્ઝનનો રનટાઈમ 3 કલાક 15 મિનિટ દર્શાવવામાં આવ્યો છે, જ્યારે ઈંગ્લિશ વર્ઝનનો રનટાઈમ 2 કલાક 45 મિનિટ છે. સમયગાળામાં આ 30 મિનિટનો તફાવત ફિલ્મના ગીતો સાથે જોડાયેલો હોઈ શકે છે. એવું માનવામાં આવે છે કે વિદેશી દર્શકો માટે ઈંગ્લિશ વર્ઝનમાંથી ગીતો હટાવી દેવાયા હશે. પરંતુ મેકર્સ તરફથી આ અંગે કોઈ સત્તાવાર પુષ્ટિ કરવામાં આવી નથી.
આ ફિલ્મમાં રણબીર કપૂર ભગવાન રામના રોલમાં જોવા મળશે
નિતેશ તિવારીના નિર્દેશનમાં બની રહેલી આ ફિલ્મમાં રણબીર કપૂર ભગવાન રામના રોલમાં જોવા મળશે. સાઈ પલ્લવી (સીતા), રવિ દુબે (લક્ષ્મણ), સની દેઓલ (હનુમાન) અને યશ (રાવણ) ના રોલમાં નજરે પડશે. રિપોર્ટ અનુસાર ફિલ્મના પ્રથમ ભાગમાં સીતા હરણથી લઈને હનુમાનજીના આગમન સુધીની વાર્તા બતાવવામાં આવશે, જ્યારે રાવણ સાથેના યુદ્ધનો ભાગ બીજા પાર્ટમાં જોવા મળશે.
આ ફિલ્મમાં પણ જોવા મળશે રણબીર કપૂર
આ ફિલ્મનો પહેલો પાર્ટ આ વર્ષે દિવાળી પર 5 નવેમ્બરના રોજ રિલીઝ થવાની શક્યતા છે, જ્યારે બીજો ભાગ 2027ની દિવાળી પર આવશે. આ સિવાય રણબીર કપૂર સંજય લીલા ભણસાલીની 'લવ એન્ડ વોર' (જાન્યુઆરી 2027), 'એનિમલ પાર્ક' અને 'બ્રહ્માસ્ત્ર 2' જેવી મોટી ફિલ્મોમાં પણ જોવા મળશે.
