America Iran War: અમેરિકા અને ઈરાન વચ્ચે ઇસ્લામાબાદમાં મહત્વપૂર્ણ અને ‘Make or Break’ શાંતિ મંત્રણા શરૂ થઈ ગઈ છે. દુનિયા આ મંત્રણા પર નજર રાખી રહી છે. કારણ કે તે પશ્ચિમ એશિયાનું ભવિષ્ય નક્કી કરી શકે છે. પાકિસ્તાનના વડા પ્રધાન શાહબાઝ શરીફે પોતે આ મંત્રણાને નિર્ણાયક ગણાવી છે. 8 એપ્રિલે જાહેર કરાયેલા યુદ્ધવિરામ પછી આ મંત્રણાઓ થઈ રહી છે અને તેનો હેતુ સંઘર્ષને કાયમી ધોરણે સમાપ્ત કરવાનો છે. 

ઈરાનના ઉપરાષ્ટ્રપતિ મોહમ્મદ રેઝા આરેફે એક મોટું નિવેદન આપતા કહ્યું કે, જો વાટાઘાટો "અમેરિકા ફર્સ્ટ" અભિગમ સાથે કરવામાં આવે તો કરાર શક્ય છે. પરંતુ જો અમેરિકા "ઈઝરાયલ ફર્સ્ટ" નીતિ અપનાવે છે, તો કોઈ કરાર થશે નહીં અને સંઘર્ષ વધી શકે છે. ઈરાનના પ્રતિનિધિમંડળનું નેતૃત્વ મોહમ્મદ બાઘર ગાલિબાફ કરી રહ્યા છે, જ્યારે યુએસ પક્ષમાં જે.ડી. વાન્સ, સ્ટીવ વિટકોફ અને જેરેડ કુશનરનો સમાવેશ થાય છે. 

આ બેઠક અત્યંત કડક સુરક્ષા હેઠળ થઈ રહી છે. અહેવાલો અનુસાર, ઈરાની પ્રતિનિધિમંડળના વિમાનને પાકિસ્તાની હવાઈ ક્ષેત્રમાં AWACS, ફાઇટર જેટ અને ઇલેક્ટ્રોનિક યુદ્ધ પ્રણાલીઓ દ્વારા સુરક્ષિત કરવામાં આવ્યું હતું.

આ વાટાઘાટો માટે ફક્ત 15 દિવસ જ રાખવામાં આવ્યા હોવાના અહેવાલ છે, પરંતુ આગામી 48 કલાક સૌથી મહત્વપૂર્ણ રહેશે. આ કલાકો નક્કી કરશે કે, આ સંઘર્ષ શાંતિમાં પરિણમશે કે પ્રદેશમાં તણાવ વધુ વધારશે. ઇસ્લામાબાદની આ બેઠક માત્ર એક રાજદ્વારી બેઠક નથી, પરંતુ વૈશ્વિક રાજકારણમાં એક મુખ્ય વળાંક બની શકે છે. હવે બધાની નજર તેના પર છે કે શું અમેરિકા અને ઈરાન કોઈ કરાર પર પહોંચશે કે શું "અમેરિકા ફર્સ્ટ vs ઇઝરાયલ ફર્સ્ટ" યુદ્ધ સંઘર્ષને વધુ વધારશે.