ગાંધીનગર: ગાંધીનગરથી કચ્છ માટે મહત્વના સમાચાર સામે આવ્યા છે. રાજ્યના CM ભૂપેન્દ્ર પટેલે કચ્છ જિલ્લાના 6 મહત્વપૂર્ણ રસ્તાઓને ફોરલેન બનાવવા માટે ₹629 કરોડની મંજૂરી આપી છે. આ નિર્ણયથી કચ્છના ગ્રામ્ય વિસ્તારોમાં રોડ કનેક્ટિવિટી વધુ મજબૂત બનશે અને પરિવહન વ્યવસ્થા સુગમ બનશે.

કયા રસ્તાઓનું થશે ફોરલેનમાં રૂપાંતર?

મંજૂર કરાયેલા પ્રોજેક્ટમાં નીચેના માર્ગોનો સમાવેશ થાય છે

• મુન્દ્રા-લુણી-વડાલા રોડ (4.1 કિ.મી.)
• દેશલપર-સીરચા રોડનું વાઇડનિંગ અને સુધારણા કાર્ય (5.1 કિ.મી.)
• મુન્દ્રા-ઝરપરા-કાંડગરા-ધ્રબ અને ઝરપરા બાયપાસ રોડ (5.5 કિ.મી.)
• નાવીનલ ગામ બાયપાસ રોડ (3.3 કિ.મી.)
• મોટા કાંડગરા ગામ રોડ (4.5 કિ.મી.)
• મુન્દ્રા-ઝરપરા-કાંડગરા રોડ (ચે. 19 થી 39) કુલ 20 કિ.મી.

મુન્દ્રા પોર્ટને મળશે મોટો ફાયદો
આ માર્ગો ફોરલેન બનતા Mundra Port તરફ જતા ભારે વાહનોની અવરજવર વધુ સરળ અને સુરક્ષિત બનશે. માલ પરિવહનની ઝડપમાં વધારો થશે, જેના કારણે ઉદ્યોગો અને વેપાર ક્ષેત્રને પણ સીધો લાભ મળશે.

પ્રવાસન અને વિકાસને મળશે વેગ
રસ્તાઓના આધુનિકીકરણથી કચ્છના પ્રવાસન ક્ષેત્રને પણ પ્રોત્સાહન મળશે. પ્રવાસીઓ માટે મુસાફરી વધુ આરામદાયક બનશે અને સ્થાનિક લોકોના 'Ease of Living'માં પણ વધારો થશે. રાજ્ય સરકારના આ નિર્ણયને કચ્છના વિકાસ માટે એક મહત્વપૂર્ણ પગલું માનવામાં આવી રહ્યું છે.