અમદાવાદ: અમદાવાદમાં રમાયેલી IPL 2026 ફાઇનલ બાદ ગુજરાત ટાઈટન્સની ટીમ માટે વધુ એક ચિંતાજનક ઘટના સામે આવી હતી. નરેન્દ્ર મોદી સ્ટેડિયમમાં ફાઈનલ મેચમાં પરાજય બાદ પરત હોટેલ જતી વખતે ટીમની બસમાં અચાનક શોર્ટ સર્કિટ થતા ધુમાડો નીકળ્યો હતો, જેના કારણે થોડી ક્ષણો માટે ગભરાટનો માહોલ સર્જાયો હતો.

પ્રાપ્ત માહિતી મુજબ, રોયલ ચેલેન્જર્સ બેંગલોર સામે ફાઈનલ હાર્યા બાદ Gujarat Titans ની ટીમ સ્ટેડિયમથી હોટેલ તરફ જઈ રહી હતી ત્યારે રસ્તામાં બસમાં ટેકનિકલ ખામી સર્જાઈ હતી. શોર્ટ સર્કિટના કારણે બસમાંથી ધુમાડો નીકળતા ડ્રાઈવરે તાત્કાલિક બસ રોકી દીધી હતી.

પરિસ્થિતિ ગંભીર બનતા તમામ ખેલાડીઓ અને સપોર્ટ સ્ટાફને તાત્કાલિક રીતે બસમાંથી બહાર કાઢવામાં આવ્યા હતા. આશરે એક કલાક સુધી ટીમ રસ્તા પર અટવાઈ રહી હતી, જોકે રાહતની વાત એ રહી કે કોઈપણ ખેલાડી કે સ્ટાફ સભ્યને ઈજા થઈ નહોતી. બાદમાં મેનેજમેન્ટે બીજી બસની વ્યવસ્થા કરીને તમામને સુરક્ષિત રીતે હોટેલ પહોંચાડ્યા હતા.

ઉલ્લેખનીય છે કે, ફાઈનલમાં IPL Final 2026 માં Royal Challengers Bengaluru સામે ગુજરાત ટાઈટન્સને પાંચ વિકેટથી પરાજય મળ્યો હતો. મેચ Narendra Modi Stadium ખાતે રમાઈ હતી.

છેલ્લા કેટલાક દિવસોથી ગુજરાત ટાઈટન્સ માટે પરિસ્થિતિ સતત પડકારજનક રહી છે. ક્વોલિફાયર મેચો, સતત મુસાફરી અને હવામાનની વિલંબિત પરિસ્થિતિઓ વચ્ચે ટીમે ભારે દબાણનો સામનો કર્યો હતો. છતાં ટીમે મજબૂત પ્રદર્શન આપ્યું, પરંતુ અંતિમ મુકામે ટ્રોફી જીતવામાં સફળતા મેળવી શકી નહોતી.