Narendra Modi Donald Trump Meeting G7 2026: મંગળવારથી ફ્રાન્સના શહેર એવિયનમાં G-7 સમિટનું આયોજન થઈ રહ્યું છે. આ મોટા સંમેલનમાં વડાપ્રધાન નરેન્દ્ર મોદી પણ હાજરી આપી રહ્યા છે. તેઓ ફ્રાન્સના રાષ્ટ્રપતિ ઇમેન્યુઅલ મેક્રોનના ખાસ આમંત્રણ પર પહોંચ્યા છે. આ સમિટ દરમિયાન પ્રધાનમંત્રી મોદી અને અમેરિકાના રાષ્ટ્રપતિ ડોનાલ્ડ ટ્રમ્પ મળ્યા હતા. તેમની મુલાકાતનો એક વીડિયો પણ સામે આવ્યો છે. નોંધનીય છે કે આ સમિટ દરમિયાન પીએમ મોદી અન્ય ઘણા દેશોના નેતાઓ સાથે દ્વિપક્ષીય વાતચીત કરશે.

પીએમ મોદી અને ટ્રમ્પ વચ્ચે વાતચીત    
ફ્રાન્સના એવિયનમાં આયોજિત G-7 સમિટ દરમિયાન વડા પ્રધાન નરેન્દ્ર મોદી અને અમેરિકાના રાષ્ટ્રપતિ ડોનાલ્ડ ટ્રમ્પ વાત કરતા જોવા મળે છે. નોંધનીય છે કે બંને નેતાઓ વચ્ચે આ મુલાકાત લગભગ 16 મહિના પછી થઈ રહી છે. બંને નેતાઓએ G-7 સમિટના આઉટરીચ સત્રમાં હાજરી આપી હતી. વડા પ્રધાન નરેન્દ્ર મોદી અને G-7 દેશોના અન્ય નેતાઓએ સમિટમાં સાથે ગ્રુપ ફોટો પણ પડાવ્યો હતો.