મુંબઈ: જાણીતા ફિલ્મ નિર્દેશક Shekhar Kapur એ આગામી જેમ્સ બોન્ડ તરીકે બોલિવૂડ અભિનેતા John Abraham નું નામ સૂચવ્યું છે.

શેખર કપૂરે સોશિયલ મીડિયા પ્લેટફોર્મ X પર પોસ્ટ શેર કરીને કહ્યું કે ડેનિયલ ક્રેગ બાદ આગામી ‘જેમ્સ બોન્ડ’ માટે તેમની પસંદગી જ્હોન અબ્રાહમ છે.

‘બોન્ડ જેવો ચાર્મ’ હોવાનું કહ્યું

શેખર કપૂરે લખ્યું કે જ્હોન અબ્રાહમ પાસે ‘શેકન, નોટ સ્ટર્ડ’ જેવી કૂલ પર્સનાલિટી અને બોન્ડ જેવા ચાર્મ સાથે ઉત્તમ અભિનય ક્ષમતા છે, જે તેમને આ પ્રખ્યાત પાત્ર માટે મજબૂત દાવેદાર બનાવે છે.

તેમણે વધુમાં જણાવ્યું કે ડેનિયલ ક્રેગને પણ પ્રોડ્યુસર્સે તેમની ફિલ્મ ‘એલિઝાબેથ’માં જોયા બાદ જેમ્સ બોન્ડ માટે પસંદ કર્યા હતા.

દુનિયાની સૌથી લોકપ્રિય ફિલ્મ ફ્રેન્ચાઇઝી

જેમ્સ બોન્ડ એક કલ્પિત બ્રિટિશ જાસૂસ પાત્ર છે, જેને ‘એજન્ટ 007’ તરીકે ઓળખવામાં આવે છે. બ્રિટિશ લેખક Ian Fleming એ વર્ષ 1953માં આ પાત્રનું સર્જન કર્યું હતું.

આ ફિલ્મ સિરીઝ વિશ્વની સૌથી સફળ અને લાંબા સમયથી ચાલતી ફ્રેન્ચાઇઝીઓમાંની એક માનવામાં આવે છે.

અનેક દિગ્ગજ કલાકારો ભજવી ચૂક્યા છે પાત્ર

વર્ષો દરમિયાન શોન કોનેરી, રોજર મૂર, પિયર્સ બ્રોસ્નન અને Daniel Craig સહિત ઘણા જાણીતા કલાકારોએ જેમ્સ બોન્ડનું પાત્ર ભજવ્યું છે.

હવે શેખર કપૂરના નિવેદન બાદ સોશિયલ મીડિયા પર જ્હોન અબ્રાહમ આગામી જેમ્સ બોન્ડ બની શકે તેવી ચર્ચાઓ તેજ બની છે.