રાજકોટ શહેરમાં ફરી એકવાર હિંસક ઘટના સામે આવી છે, જેમાં એક મહિલા અને અસામાજિક તત્વો વચ્ચે ઝઘડો થયો હતો. આ ઘટનાને કારણે આસપાસના લોકોમાં અફરાતફરીનો માહોલ સર્જાયો હતો અને સમગ્ર ઘટના સોશિયલ મીડિયા પર વાયરલ થઈ રહી છે.

રાજકોટ શહેરમાં દિવસે દિવસે હિંસક ઘટનાઓ વધતી જોવા મળી રહી છે. અસામાજિક તત્વોના કારણે સામાન્ય નાગરિકોને હેરાનગતિનો સામનો કરવો પડી રહ્યો છે. આવો જ એક બનાવ ગઈકાલે રાત્રે રાજકોટ શહેરના મવડી મેઈન રોડ પર બન્યો હતો.

મવડી રોડ વિસ્તારમાં કેટલાક લુખ્ખા તત્વો અને એક મહિલા વચ્ચે છૂટા હાથની મારામારી થઈ હતી, જેના કારણે વિસ્તારમાં અશાંતિનો માહોલ સર્જાયો હતો અને લોકોમાં ભયનો માહોલ જોવા મળ્યો હતો.

સમગ્ર ઘટના સોશિયલ મીડિયા પર વાયરલ થતાં શહેરમાં ભારે ચર્ચાનો વિષય બની ગઈ છે.