હૈદરાબાદ: 23 મે: IPL 2026માં શુક્રવારે રમાયેલા મુકાબલામાં સનરાઇઝર્સ હૈદરાબાદ (SRH) એ શાનદાર પ્રદર્શન કરતાં રોયલ ચેલેન્જર્સ બેંગલુરુ (RCB) ને 55 રનથી હરાવ્યું હતું.

રાજીવ ગાંધી ઇન્ટરનેશનલ ક્રિકેટ સ્ટેડિયમમાં રમાયેલા આ મેચમાં SRH એ પહેલા બેટિંગ કરતાં 20 ઓવરમાં 4 વિકેટ ગુમાવીને 255 રનનો વિશાળ સ્કોર બનાવ્યો હતો. ટીમ તરફથી અભિષેક શર્માએ 22 બોલમાં 56 રન, ઈશાન કિશને 46 બોલમાં 79 રન અને હેનરિક ક્લાસેને માત્ર 24 બોલમાં 51 રનની ઝડપી ઇનિંગ્સ રમી હતી.

256 રનના લક્ષ્યનો પીછો કરતી RCB ટીમ 20 ઓવરમાં 4 વિકેટ ગુમાવીને માત્ર 200 રન જ બનાવી શકી હતી. ટીમ તરફથી રજત પાટીદારે 56 રનની કૅપ્ટન્સ ઇનિંગ રમી હતી, જ્યારે વેંકટેશ ઐયરે 44 રન બનાવ્યા અને ક્રુણાલ પંડ્યા 41 રન સાથે નોટઆઉટ રહ્યા હતા.

મેચ દરમિયાન વિરાટ કોહલી અને ટ્રેવિસ હેડ વચ્ચે મેદાન પર તીખી નોકઝોક જોવા મળી હતી. મેચ પૂર્ણ થયા બાદ કોહલીએ હેડ સાથે હાથ મિલાવ્યા નહોતા, જે ઘટના સોશિયલ મીડિયા પર ભારે ચર્ચાનો વિષય બની છે.