Donald Trump: મંગળવારે સોશિયલ મીડિયા પોસ્ટમાં અમેરિકાના રાષ્ટ્રપતિ ડોનાલ્ડ ટ્રમ્પે પશ્ચિમી દેશો પર નિશાન સાધતા કહ્યું કે, બ્રિટન જેવા દેશો માટે બે ઓપ્શન છે કે, જેમણે ઇરાન સામે કાર્યવાહી કરવામાં ભાગ લેવાનો ઇનકાર કર્યો હતો, તેમના પાસે બે ઓપ્શન છે.

રાષ્ટ્રપતિ ડોનાલ્ડ ટ્રમ્પે તેમના નિવેદનમાં શું કહ્યું?
બ્રિટન જેવા દેશો હોર્મુઝ સ્ટ્રેટને કારણે જેટ ઇંધણ મેળવી શકતા નથી અને ઈરાન સામેની કાર્યવાહીમાં જોડાવાનો ઇનકાર કરે છે. તેમને મારા બે સૂચન છે. પ્રથમ સૂચન એ છે કે, યુનાઇટેડ સ્ટેટ્સ પાસેથી ઇંધણ ખરીદો; અમારી પાસે પુષ્કળ છે. બીજું સૂચન એ છે કે, હિંમત એકઠી કરો, સ્ટ્રેટ પર જાઓ અને તેને કબજે કરો. હવે તમારે પોતાને બચાવવાનું શીખવું જોઈએ; જેમ તમે અમારા માટે આવ્યા નહોતા, તેમ અમેરિકા તમારી મદદ માટે આવશે નહીં. ઈરાન લગભગ નાશ પામ્યું છે. મુશ્કેલ ભાગ પૂરો થઈ ગયો છે. જાઓ અને તમારું પોતાનું તેલ લઈ લો. 

તેમણે આગળ લખ્યું કે, ‘ફ્રાન્સે ઇઝરાયલને લશ્કરી પૂરવઠો લઈ જતા વિમાનોને તેના હવાઈ ક્ષેત્રમાંથી પસાર થતા અટકાવ્યા હતા. ફ્રાન્સે 'ઈરાનના કસાઈ' સાથે ખૂબ જ ખરાબ રીતે સહયોગ કર્યો હતો, જેને સફળતાપૂર્વક ખતમ કરી દેવામાં આવ્યો છે. અમેરિકા આ ​​યાદ રાખશે.’

અગાઉ, સોમવારે યુએસ પ્રમુખ ટ્રમ્પે કહ્યું હતું કે,  તેમનો દેશ ઈરાનમાં લશ્કરી કાર્યવાહી સમાપ્ત કરવા માટે વધુ સમજદાર શાસન સાથે ગંભીરતાથી વાટાઘાટો કરી રહ્યો છે . તેમણે કહ્યું કે, આ દિશામાં નોંધપાત્ર પ્રગતિ થઈ છે. પરંતુ જો કોઈ કારણોસર ટૂંક સમયમાં કોઈ કરાર ન થાય (જે ખૂબ જ સંભવ છે) અને જો હોર્મુઝ સ્ટ્રેટ વેપાર માટે ખુલશે નહીં, તો અમે તેમના તમામ વીજ ઉત્પાદન પ્લાન્ટ, તેલના કૂવાઓ અને ખાર્ગ ટાપુનો સંપૂર્ણપણે નાશ કરીશું, જેને અમે જાણી જોઈને હજુ સુધી સ્પર્શ કર્યો નથી. તેમણે લખ્યું કે, આ તે અસંખ્ય સૈનિકો અને અન્ય લોકોનો બદલો હશે, જેમને ઈરાને અગાઉના શાસનના 47 વર્ષના આતંક દરમિયાન નિર્દયતાથી માર્યા હતા.