બેઇજિંગ: અમેરિકાના રાષ્ટ્રપતિ Donald Trump ની ચીન મુલાકાત પૂર્ણ થયાના 24 કલાક પણ પૂર્ણ થયા નહોતા કે ચીને રશિયન રાષ્ટ્રપતિ Vladimir Putin ના સત્તાવાર ચીન પ્રવાસની જાહેરાત કરી દીધી છે.

ચીનના વિદેશ મંત્રાલયે જણાવ્યું કે રાષ્ટ્રપતિ Xi Jinping ના આમંત્રણ પર પુતિન 19થી 20 મે દરમિયાન ચીનની સત્તાવાર મુલાકાતે આવશે.

વૈશ્વિક અને વ્યૂહાત્મક મુદ્દાઓ પર થશે ચર્ચા

ક્રેમલિન દ્વારા પણ આ પ્રવાસની પુષ્ટિ કરવામાં આવી છે. બંને નેતાઓ વચ્ચે અમેરિકા-ઈરાન તણાવ, યુક્રેન યુદ્ધ, તાઈવાન મુદ્દો, વૈશ્વિક સુરક્ષા અને એશિયા-પ્રશાંત ક્ષેત્રની સ્થિતિ જેવા મહત્વપૂર્ણ મુદ્દાઓ પર ચર્ચા થવાની સંભાવના છે.

ચીન-રશિયા મિત્રતા સંધિના 25 વર્ષ

ક્રેમલિનના નિવેદન મુજબ આ મુલાકાત ચીન-રશિયા મિત્રતા સંધિના 25 વર્ષ પૂર્ણ થવાના પ્રસંગે યોજાઈ રહી છે. વર્ષ 2001માં બંને દેશો વચ્ચે આ વ્યૂહાત્મક સહયોગની સંધિ થઈ હતી.

ઊર્જા અને વેપાર સહયોગ પર ભાર

પુતિન ચીનના વડાપ્રધાન લી કિયાંગ સાથે પણ મુલાકાત કરશે. આ દરમિયાન વેપાર, ઊર્જા સહયોગ અને આર્થિક સંબંધોને વધુ મજબૂત બનાવવા ચર્ચા થશે. પશ્ચિમી પ્રતિબંધો બાદ ચીન રશિયા માટે સૌથી મોટો આર્થિક સહયોગી બનીને સામે આવ્યું છે.

ટ્રમ્પની મુલાકાત બાદ વધ્યું રાજકીય મહત્વ

આ જાહેરાત એવા સમયે થઈ છે જ્યારે અમેરિકી રાષ્ટ્રપતિ ટ્રમ્પ તાજેતરમાં જ ચીનની મુલાકાત પૂર્ણ કરીને પરત ફર્યા છે. ટ્રમ્પ અને ચીન વચ્ચે વેપાર અને ઈરાન મુદ્દે મહત્વપૂર્ણ ચર્ચાઓ થઈ હતી.

રાજકીય નિષ્ણાતો માનીએ છે કે ટ્રમ્પની મુલાકાત બાદ તરત જ પુતિનની યાત્રાની જાહેરાત વૈશ્વિક કૂટનીતિમાં મહત્વપૂર્ણ સંકેત માનવામાં આવી રહી છે.#HardeepSinghPuri #SportsNews #IndiaNews #YouthDevelopment #StadiumProject #GorakhpurNews #BreakingNews