West Bengal Elections: પીએમ મોદીએ આજે ​​ઉત્તર પ્રદેશના હરદોઈમાં ગંગા એક્સપ્રેસ વેનું ઉદ્ઘાટન કર્યું હતું. તેમણે એક જાહેર સભાને સંબોધિત કરી હતી. જેમાં તેમણે કહ્યું કે, બંગાળના લોકો આ વખતે ડર્યા વગર ઘરની બહાર આવી રહ્યા છે, જે રાજ્યના લોકશાહી ઇતિહાસમાં એક મોટો ફેરફાર છે.

દાયકાઓ પછી ભય રહિત વાતાવરણ
પ્રધાનમંત્રીએ બંગાળના મતદારોના ઉત્સાહની પ્રશંસા કરતા કહ્યું કે, આ વખતે મતદાનમાં વધારો એ વાતનું પ્રતીક છે કે, જનતા હવે વર્તમાન શાસનની વિરુદ્ધ છે અને ભાજપની જીત સુનિશ્ચિત કરી રહી છે. પ્રધાનમંત્રીએ એ વાત પર પણ ભાર મૂક્યો કે 60-70 વર્ષ પછી લોકો ભય વગર કતારોમાં ઉભા છે. તેમણે આને બંધારણ અને લોકશાહીની મજબૂતાઈનું સકારાત્મક સંકેત ગણાવ્યું. તેમણે બંગાળના નાગરિકોનો તેમના અધિકારો પ્રત્યે જાગૃત રહેવા અને મોટી સંખ્યામાં મતદાન કરવા બદલ આભાર માન્યો.

ભારે મતદાન અને ચૂંટણી સમીકરણો
બંગાળ વિધાનસભા ચૂંટણીના બીજા તબક્કામાં 142 બેઠકો માટે મતદાન ચાલી રહ્યું છે. હિંસાના કેટલાક છૂટાછવાયા બનાવો હોવા છતાં મતદાન ટકાવારી ઘણી વધારે રહેવાની ધારણા છે. રાજ્યમાં પ્રથમ તબક્કામાં ૯૩.૧૭% રેકોર્ડ મતદાન થયું હતું. ભાજપ અને તૃણમૂલ કોંગ્રેસ (ટીએમસી) બંને આ વધેલી મતદાન ટકાવારી તેમના પક્ષમાં હોવાનો દાવો કરી રહ્યા છે. જો કે, પીએમ મોદીએ વિશ્વાસ વ્યક્ત કર્યો કે, ૪ મેના પરિણામો ભાજપ માટે "ઐતિહાસિક હેટ્રિક" સાબિત થશે.

પરિણામો 4 મેના રોજ જાહેર કરવામાં આવશે
આ બીજા તબક્કાની સાથે પશ્ચિમ બંગાળ સહિત તમિલનાડુ, કેરળ, આસામ અને પુડુચેરીમાં ચૂંટણી પ્રક્રિયા પૂર્ણ થઈ રહી છે. પ્રધાનમંત્રીએ વિશ્વાસ વ્યક્ત કર્યો કે, આ બધા રાજ્યોના પરિણામો "વિકસિત ભારત" માટેના સંકલ્પને વધુ ઉર્જા આપશે. બધા રાજ્યોના ચૂંટણી પરિણામો 4 મેના રોજ જાહેર કરવામાં આવશે.