રાજકોટ રાજકોટ શહેરમાં આરોગ્ય વિભાગ દ્વારા ખાણીપીણીના ધંધાર્થીઓ સામે મોટી કાર્યવાહી કરવામાં આવી છે. શહેરમાં તુલસી બેકરી, ક્રિષ્ના રેસ્ટોરન્ટ, પટેલ સ્વીટ અને પટેલ વિજય સ્વીટ એન્ડ નમકીન સહિતની પેઢીઓ પર દરોડા પાડવામાં આવ્યા હતા.

ચકાસણી દરમિયાન 500 કિલોથી વધુનો અખાદ્ય જથ્થો મળી આવ્યો હતો. જેમાં વાસી લોટ તેમજ અન્ય અખાદ્ય ખાદ્ય સામગ્રીનો સમાવેશ થાય છે.

આ ગંભીર અનિયમિતતાઓને ધ્યાનમાં રાખીને તુલસી બેકરી અને ક્રિષ્ના રેસ્ટોરન્ટ સહિત ચાર પેઢીઓને સીલ કરવામાં આવી છે.

સાથે જ જવાબદાર પેઢીઓને 10 હજાર રૂપિયાથી વધુનો દંડ પણ ફટકારવામાં આવ્યો છે. આરોગ્ય વિભાગની આ કાર્યવાહીથી ખાણીપીણીના ધંધાર્થીઓમાં ખળભળાટ મચી ગયો છે.