રાજકોટ: રાજકોટ શહેરમાંથી ચોંકાવનારી ઘટના સામે આવી છે, જેમાં પૌત્ર દ્વારા પોતાના જ દાદાની હત્યા કરવામાં આવી હોવાનું ખુલ્યું છે.

સમગ્ર મામલે એસીપી આર. એસ. બારીઆએ નિવેદન આપતાં જણાવ્યું છે કે પૌત્ર મોહિત મિયાત્રાએ હત્યાની કબૂલાત કરી છે.

મૃતક અરજણ ભાઈ પાસે અંદાજે 7 વીઘા જેટલી જમીન હોવાનું જાણવા મળ્યું છે. પ્રાથમિક તપાસ મુજબ, મોહિતે અરજણ ભાઈ પાસે પૈસાની માંગણી કરી હતી, ત્યારબાદ જમીન પર ધિરાણ લેવામાં આવ્યું હતું.

ધિરાણના પૈસા સમયસર ન ચૂકવી શકવાને લઈને બંને વચ્ચે તકરાર થઈ હતી. આ વિવાદ ઉગ્ર બનતાં મોહિત મિયાત્રાએ પોતાના જ દાદાની હત્યા કરી નાખી હોવાનું તપાસમાં સામે આવ્યું છે.

પોલીસે આ મામલે આગળની કાયદેસરની કાર્યવાહી હાથ ધરી છે અને વધુ તપાસ ચાલુ છે.