રાજકોટ: ચોમાસા પૂર્વે રાજકોટ મહાનગરપાલિકા (RMC) દ્વારા જર્જરિત અને જોખમી મકાનોને લઈને નોટિસ આપવાની પ્રક્રિયા શરૂ કરવામાં આવી છે.

પ્રી-મોન્સૂન કામગીરીના ભાગરૂપે શહેરમાં જોખમી બાંધકામો ધરાવતા મકાન માલિકોને તંત્ર દ્વારા જાણ કરવામાં આવી રહી છે. ખાસ કરીને અત્યંત ભયજનક અને ખતરનાક સ્થિતિમાં આવેલા મકાનો અંગે કડક પગલાં લેવાની તૈયારી વ્યક્ત કરવામાં આવી છે.

મનપા તંત્રએ સ્પષ્ટ કર્યું છે કે આવા જોખમી મકાનોને જરૂરી પડે તો કોર્પોરેશન જાતે જ પાડી નાખશે. માલિકી કોઈપણ હોય, જો બાંધકામ જોખમી હશે તો કાયદા મુજબ કડક કાર્યવાહી કરવામાં આવશે.

તંત્ર મુજબ, નાગરિકોની જાનમાલની સુરક્ષા માટે પ્રી-મોન્સૂન પ્રક્રિયા અંતર્ગત આ પગલાં લેવામાં આવી રહ્યા છે અને શક્ય નુકસાન ટાળવા માટે નોટિસ આપવામાં આવી છે.