અમદાવાદ અમદાવાદના ન્યૂ રાણીપ વિસ્તારમાં વહેલી સવારે એક દુઃખદ ઘટના સામે આવી છે. NEET પરીક્ષાની તૈયારી કરી રહેલા 17 વર્ષીય વિદ્યાર્થીનું મોત થયું હોવાનું સામે આવ્યું છે.

ઘટનાની જાણ થતાં સાબરમતી પોલીસ તાત્કાલિક સ્થળ પર પહોંચી હતી અને જરૂરી કાર્યવાહી હાથ ધરી હતી. પ્રાથમિક તપાસમાં મૃતક વિદ્યાર્થી NEETની તૈયારી કરતો હોવાનું જાણવા મળ્યું છે.

પોલીસના જણાવ્યા અનુસાર, ઘટના દરમિયાન વિદ્યાર્થી ફ્લેટના બી બ્લોકમાં રહેતો હતો. જોકે, આ ઘટનાનું ચોક્કસ કારણ હજુ સુધી સામે આવ્યું નથી. સમગ્ર મામલે પોલીસ દ્વારા વધુ તપાસ કરવામાં આવી રહી છે.

ઘટનામાં વિદ્યાર્થીનું સ્થળ પર જ મોત નીપજ્યું હતું. હાલ મૃતદેહને પોસ્ટમોર્ટમ માટે સિવિલ હોસ્પિટલ મોકલવામાં આવ્યો છે. પોલીસે પરિવારજનો અને અન્ય સંબંધિત લોકોના નિવેદનોના આધારે તપાસ આગળ વધારી છે.