WTC 2025-27 એડિશનમાં સૌથી વધુ વિકેટ લેનાર બોલર
તાજેતરમાં પૂર્ણ થયેલ સાઉથ આફ્રિકા પ્રવાસ ઓસ્ટ્રેલિયન ટીમ માટે નિરાશાજનક રહ્યો હોવા છતાં, મિચેલ સ્ટાર્ક હજુ પણ પોતાના પ્રદર્શનથી પ્રભાવિત કરવામાં સફળ રહ્યો. સ્ટાર્ક હાલમાં વર્લ્ડ ટેસ્ટ ચેમ્પિયનશિપના 2025-27 એડિશનમાં અગ્રણી વિકેટ લેનારા બોલર્સના લિસ્ટમાં ટોપનું સ્થાન ધરાવે છે. સ્ટાર્કે 13 ટેસ્ટ મેચોમાં 25 ઈનિંગમાં બોલિંગ કરી છે, જેમાં 17.9 ની એવરેજથી 73 વિકેટ લીધી છે, જેમાં 5 વખત 5 વિકેટનો સમાવેશ થાય છે.
વર્લ્ડ ટેસ્ટ ચેમ્પિયનશિપ 2025-27 માં ઈંગ્લેન્ડનું પ્રદર્શન અપેક્ષા મુજબ ન રહ્યું હોય, પરંતુ તેમના ઝડપી બોલર જોશ ટોંગે પોતાની બોલિંગથી બધાને પ્રભાવિત કર્યા છે. જોશ ટોંગે WTC 2025-27 એડિશનમાં 12 મેચમાં 24 ઈનિંગમાં 25.35 ની એવરેજથી 64 વિકેટ લીધી છે, જે યાદીમાં બીજા ક્રમે છે. ટોંગે આ સમયગાળા દરમિયાન ત્રણ વખત 5 વિકેટ લીધી છે.
ઓસ્ટ્રેલિયા સામે તાજેતરમાં પૂર્ણ થયેલી ટેસ્ટ સિરીઝમાં સાઉથ આફ્રિકાની જીતમાં સ્પિન બોલર સિમોન હાર્મરે મુખ્ય ભૂમિકા ભજવી હતી. વર્લ્ડ ટેસ્ટ ચેમ્પિયનશિપના 2025-27 એડિશનમાં વિકેટ લેનારા બોલર્સના લિસ્ટમાં હાર્મર હાલમાં ત્રીજા નંબરે છે. સિમોન હાર્મરે 7 ટેસ્ટ મેચ રમી છે, 14 ઈનિંગમાં બોલિંગ કરી છે અને 19.09 ની એવરેજથી 44 વિકેટ લીધી છે, જેમાં 3 વખત 5 વિકેટનો સમાવેશ થાય છે.
મોહમ્મદ સિરાજ હાલમાં WTC 2025-27 એડિશનમાં લમાં ભારતીય ટીમ માટે ટોચના પાંચ વિકેટ લેનારા બોલરોમાં ચોથા નંબરે છે. સિરાજે WTC 2025-27 એડિશનમાં 11 મેચમાં 21 ઈનિંગમાં બોલિંગ કરી છે, જેમાં 26.81 ની એવરેજથી 43 વિકેટ લીધી છે. સિરાજ પાસે હવે ન્યૂઝીલેન્ડ સામેની આગામી ટેસ્ટ સિરીઝમાં યાદીમાં ઉપર જવાની શાનદાર તક છે.
વિશ્વ ક્રિકેટના ત્રણેય ફોર્મેટમાં બેસ્ટ ફાસ્ટ બોલરોમાંના એક ગણાતા જોફ્રા આર્ચર હાલમાં વર્લ્ડ ટેસ્ટ ચેમ્પિયનશિપના 2025-27 એડિશનમાં ટોચના વિકેટ લેનારા બોલર્સના લિસ્ટમાં પાંચમા ક્રમે છે. આર્ચરે 10 ટેસ્ટ મેચમાં 20 ઈનિંગમાં બોલિંગ કરી છે, જેમાં 26.17 ની એવરેજથી 41 વિકેટ લીધી છે. આ સમયગાળા દરમિયાન જોફ્રા આર્ચરે એક ઈનિંગમાં પાંચ વિકેટ લીધી છે.
