Urvil Patel: ઉર્વિલ પટેલે રણજી ટ્રોફીમાં પહેલીવાર ફટકારી બેવડી સદી
રણજી ટ્રોફીમાં ગુજરાતના વિકેટકીપર ઉર્વિલ પટેલે કેરળના બોલર્સની કમર તોડી પાડી. છઠ્ઠા નંબર પર બેટિંગ કરતા રાઈટ હેન્ડના બેટ્સમેને શાનદાર બેવડી સદી ફટકારી હતી.
ઉર્વિલ પટેલે માત્ર 214 બોલમાં પોતાની બેવડી સદી પૂરી કરી. તેને પોતાની ઈનિંગમાં 6 છગ્ગા અને 17 ચોગ્ગા ફટકાર્યા હતા.
આ બેવડી સદી ઉર્વિલ પટેલ માટે ખૂબ જ ખાસ છે, કારણ કે આ તેની ફર્સ્ટ ક્લાસ કરિયરની પહેલી બેવડી સદી છે. ઉર્વિલ પટેલે રેડ-બોલ ક્રિકેટમાં 3 સદી ફટકારી છે.
ઉર્વિલ પટેલે પણ પોતાની બેવડી સદીથી ગુજરાતને બચાવ્યું. એક સમયે ગુજરાતે ફક્ત 189 રનમાં 5 વિકેટ ગુમાવી દીધી હતી, પરંતુ ઉર્વિલ પટેલે વિશાલ જયસ્વાલ સાથે મળીને 217 બોલમાં 179 રન બનાવીને કેરળને પાછળ છોડી દીધું.
ઉર્વિલ પટેલને T20 અને ODI ક્રિકેટમાં ટોપના બેટ્સમેન માનવામાં આવે છે, પરંતુ ગુજરાતના આ વિકેટકીપર હવે લાલ બોલથી પણ પોતાનું કૌશલ્ય બતાવવાનું શરૂ કરી દીધું છે. ઉર્વિલ આ રણજી ટ્રોફી સીઝનની પહેલી મેચમાં 85, બીજી મેચમાં 23 અને ત્રીજી મેચમાં 96 રન બનાવ્યા હતા. હવે તેને બેવડી સદી ફટકારી છે.
