Surendranagar સબ જેલમાં કેદીનું સારવાર દરમિયાન મોત, જુઓ Video

Surendranagar : સુરેશભાઈ સાકરીયા છેલ્લા 10 દિવસથી બીમાર હતા. જેલમાં તેમની તબિયત પર નજર રાખવામાં આવી રહી હતી. જોકે, સમય જતાં તેમની તબિયત વધુ લથડતા તાત્કાલિક સારવાર માટે હોસ્પિટલ ખસેડવામાં આવ્યા હતા. હોસ્પિટલમાં તબીબોની દેખરેખ હેઠળ તેમની સારવાર શરૂ કરવામાં આવી હતી. પરંતુ સારવાર દરમિયાન જ સુરેશભાઈ સાકરીયાનું મોત નિપજ્યું હતું. કેદીના મોતની જાણ થતાં સંબંધિત તંત્ર દ્વારા જરૂરી કાર્યવાહી હાથ ધરવામાં આવી હતી. મૃતક સુરેશભાઈ સાકરીયા ચોટીલા તાલુકાના પીપરાળી ગામના રહેવાસી હોવાનું જાણવા મળ્યું છે. તેઓ છેલ્લા આશરે આઠ મહિનાથી હત્યાના ગુનામાં સજા ભોગવી રહ્યા હતા. દરમિયાન છેલ્લા દસ દિવસથી તેમની તબિયત ખરાબ હતી અને સ્થિતિ ગંભીર બનતા તેમને હોસ્પિટલમાં ખસેડવામાં આવ્યા હતા.