Lakshya Raichandani: 17 વર્ષના લક્ષ્ય રાયચંદાનીએ ઓસ્ટ્રેલિયા સામે બેવડી સદી ફટકારીને રચ્યો ઈતિહાસ

Lakshya Raichandani: ભારત અંડર-19 અને ઓસ્ટ્રેલિયા અંડર-19 વચ્ચેની પ્રથમ બિનસત્તાવાર ટેસ્ટ મેચ રાજકોટના નિરંજન શાહ ક્રિકેટ સ્ટેડિયમ ખાતે રમાઈ હતી. આ મેચમાં ભારતે ઓસ્ટ્રેલિયાને એક ઈનિંગ અને 48 રનથી હરાવ્યું હતું. ભારતની જીતનો હીરો 17 વર્ષના બેટ્સમેન લક્ષ્ય રાયચંદાની હતો, જેને બેટથી ધૂમ મચાવી અને બધાને સ્તબ્ધ કરી દીધા. લક્ષ્ય રાયચંદાનીએ શાનદાર બેવડી સદી ફટકારીને ઈતિહાસ રચ્યો.

લક્ષ્ય રાયચંદાનીએ શાનદાર બેટિંગ કરી, 281 બોલમાં અણનમ 240 રન બનાવ્યા. તેમની શાનદાર ઈનિંગના કારણે ભારતે પ્રથમ ઈનિંગમાં 494 રનનો વિશાળ સ્કોર બનાવ્યો, જેનાથી ઓસ્ટ્રેલિયા પર 277 રનની લીડ મેળવી. જવાબમાં કાંગારૂઓ ફક્ત 229 રનમાં ઓલઆઉટ થઈ ગયા.

લક્ષ્ય રાયચંદાનીએ બેવડી સદી ફટકારીને ઈતિહાસ રચ્યો

ભારતીય ઈનિંગની શરૂઆત કરતા લક્ષ્ય રાયચંદાનીએ કાંગારૂ બોલર્સને આડે હાથ લીધા અને બેવડી સદી ફટકારી. આ પ્રભાવશાળી બેવડી સદી સાથે તેને યુવા ટેસ્ટ ક્રિકેટમાં એક મહત્વપૂર્ણ સિદ્ધિ હાંસલ કરી. લક્ષ્ય રાયચંદાની યુવા ટેસ્ટ મેચોમાં 2 બેવડી સદી ફટકારનાર વિશ્વનો પ્રથમ બેટ્સમેન બન્યો. આ પહેલા તેને શ્રીલંકા પ્રવાસ દરમિયાન ગાલેમાં 207 રનની શાનદાર ઈનિંગ રમી હતી. તેને કોલંબોમાં પણ સદી ફટકારી હતી. હવે ઓસ્ટ્રેલિયા સામે 210 રનની અણનમ ઈનિંગ સાથે, તેને ઈતિહાસના પાનામાં પોતાનું નામ કોતર્યું છે.

ઓસ્ટ્રેલિયા પ્રથમ ઈનિંગમાં 217 રનમાં ઓલઆઉટ થઈ ગયું

આ મેચમાં ઓસ્ટ્રેલિયા અંડર-19 એ ટોસ જીતીને પહેલા બેટિંગ કરવાનો નિર્ણય લીધો. પરંતુ ઓસ્ટ્રેલિયાનો નિર્ણય ખોટો સાબિત થયો અને ટીમ પ્રથમ ઈનિંગમાં ફક્ત 217 રનમાં ઓલઆઉટ થઈ ગઈ. ઓસ્ટ્રેલિયા તરફથી બ્લેક કેટલએ સૌથી વધુ 102 રન બનાવ્યા. આ દરમિયાન ભારતીય સ્પિનર ઈશાન ઓમે શાનદાર પ્રદર્શન કર્યું, 5 વિકેટ લીધી, જ્યારે મોહિત ઉલ્વાએ 3 વિકેટ લીધી. આ પછી બેટિંગ કરવા ઉતરેલી ટીમ ઈન્ડિયાને શરૂઆતમાં જ મોટો ઝટકો લાગ્યો. ઓપનર સાગર વિર્ક માત્ર 11 રન બનાવીને આઉટ થઈ ગયો. પરંતુ લક્ષ્ય રાયચંદાનીએ તે પછી એક એન્ડ અપ સંભાળ્યો.

ભારતીય બેટ્સમેનોએ બીજા છેડે વિકેટ ગુમાવતા રહ્યા, પરંતુ તેને પોતાની હિંમત જાળવી રાખી અને ઓસ્ટ્રેલિયન બોલરોનો દૃઢતાથી સામનો કર્યો. લક્ષ્ય રાયચંદાનીએ શાનદાર બેટિંગ કરી, 281 બોલમાં 24 ચોગ્ગા અને 4 છગ્ગાની મદદથી અણનમ 240 રન બનાવ્યા. તેને કેપ્ટન યશવર્ધન ચૌહાણ સાથે ત્રીજી વિકેટ માટે 124 રનની મહત્વપૂર્ણ પાર્ટનરશીપ કરી, જેને 54 રન બનાવ્યા. ત્યારબાદ લક્ષ્ય રાયચંદાનીએ મોહિત ઉલ્વા સાથે નવમી વિકેટ માટે અણનમ 137 રન બનાવ્યા, જે 58 રન બનાવીને અણનમ રહ્યો. ભારતે પ્રથમ ઈનિંગમાં 494 રનનો વિશાળ સ્કોર બનાવ્યો, જેમાં 277 રનની લીડ મેળવી.

યશવર્ધન ચૌહાણે 6 વિકેટ લીધી

278 રનના ટાર્ગેટનો પીછો કરવા ઉતરેલી ઓસ્ટ્રેલિયાની બેટિંગ પણ બીજી ઈનિંગમાં પણ ખરાબ રહી અને આખી ટીમ માત્ર 229 રનમાં ઓલઆઉટ થઈ ગઈ. ઓસ્ટ્રેલિયા તરફથી બ્લેક કેટલએ સદી અને 123 રન બનાવ્યા. પરંતુ તેની ઈનિંગ ટીમને વિજય તરફ દોરી શકી નહીં. એક છેડેથી સતત વિકેટ પડતી રહી અને 8 ખેલાડીઓ બે આંકડા સુધી પહોંચી શક્યા નહીં. ભારત તરફથી કેપ્ટન યશવર્ધન ચૌહાણે ઘાતક બોલિંગ કરી, 6 વિકેટ લીધી. કાંગારૂ બેટ્સમેનમાંથી કોઈ પણ યશવર્ધન ચૌહાણની બોલિંગ સામે ટકી શક્યું નહીં અને ભારતે એક ઈનિંગ અને 48 રનથી મેચ જીતી લીધી.

આ પણ વાંચો: Asian Games 2026: ભારતીય વિમેન્સ ટીમે 4x100 મીટર રિલેમાં રચ્યો ઈતિહાસ, ભારતે જીત્યો છઠ્ઠો ગોલ્ડ મેડલ