ભારતની જુનિયર મહિલા હોકી ટીમનો પાકિસ્તાન પર 19-0નો મહાવિજય, સેમિફાઇનલમાં ધમાકેદાર એન્ટ્રી

India Pakistan Junior Hockey 19-0: એએચએફ મહિલા જુનિયર એશિયા કપ 2026માં ભારતીય જુનિયર મહિલા હોકી ટીમે પાકિસ્તાન સામે ઐતિહાસિક પ્રદર્શન કર્યું છે. ક્વાર્ટર ફાઇનલ મુકાબલામાં ભારતે પાકિસ્તાનને 19-0ના રેકોર્ડ સ્કોરથી હરાવી શાનદાર રીતે સેમિફાઇનલમાં પ્રવેશ કર્યો છે.

https://twitter.com/TheKhelIndia/status/2097949979193291245

પાકિસ્તાન સામે ભારતનો એકતરફી મુકાબલો

મુકાબલાની શરૂઆતથી જ ભારતીય ટીમે આક્રમક રમતનો નમૂનો રજૂ કર્યો હતો. ‘વુમન ઇન બ્લૂ’એ સતત હુમલા કરીને પાકિસ્તાની ટીમને બેકફૂટ પર ધકેલી દીધી હતી. ભારતીય ખેલાડીઓની આક્રમકતા સામે પાકિસ્તાની ટીમ સમગ્ર મેચ દરમિયાન સંઘર્ષ કરતી જોવા મળી હતી અને ભારતે ગોલ પર ગોલ કરીને 19-0ની જંગી જીત નોંધાવી હતી.

ત્રીજી વખત ખિતાબ જીતવાની આશા યથાવત

ભારતીય ટીમે પોતાના અંતિમ એલીટ પૂલ મુકાબલામાં ચીન સામે 0-0થી ડ્રો રમ્યો હતો. ત્યારબાદ ક્વાર્ટર ફાઇનલમાં પાકિસ્તાન સામે ભારતીય ટીમે આક્રમક વ્યૂહરચના સાથે મેદાનમાં ઉતરીને જોરદાર પ્રદર્શન કર્યું. આ ઐતિહાસિક જીત સાથે ભારતે સેમિફાઇનલમાં સ્થાન નિશ્ચિત કર્યું છે. ટીમની સતત ત્રીજી વખત જુનિયર એશિયા કપનો ખિતાબ જીતવાની આશા પણ યથાવત રહી છે.

ભારતીય ટીમનો આત્મવિશ્વાસ વધ્યો

પાકિસ્તાન સામે 19-0ની મોટી જીત ભારતીય જુનિયર મહિલા હોકી ટીમ માટે મહત્વપૂર્ણ બની છે. સેમિફાઇનલમાં હવે ટીમનું લક્ષ્ય આ જ લય જાળવી રાખીને ટાઇટલ તરફ વધુ એક મજબૂત પગલું ભરવાનું રહેશે.