Asian Games 2026: પીવી સિંધુ પહેલો સેટ જીત્યા બાદ ક્વાર્ટર ફાઈનલમાં હારી

Asian Games 2026: મહિલા બેડમિન્ટન ટીમ એશિયન ગેમ્સ 2026ના ક્વાર્ટર ફાઈનલમાં જાપાન સામે પોતાની પહેલી મેચ હારી ગઈ હતી. પીવી સિંધુએ યામાગુચી સામે પહેલો સેટ 23-21થી જીત્યો હતો. પીવી સિંધુએ બીજા સેટમાં પણ જોરદાર લડાઈ આપી હતી, પરંતુ 18-21થી હારી ગઈ હતી. ત્રીજો સેટ એકતરફી રહ્યો અને ભારતીય સ્ટાર ખેલાડી હારી ગઈ.

ક્વાર્ટર ફાઈનલમાં હારી પીવી સિંધુ

પીવી સિંધુએ વિશ્વની નંબર 3 ખેલાડી યામાગુચી સામે ક્વાર્ટર ફાઈનલ મેચનો પહેલો સેટ જીત્યો. પરંતુ જાપાની ખેલાડીએ તે સેટમાં પણ જોરદાર લડાઈ આપી અને પીવી સિંધુએ એક રોમાંચક મેચમાં 23-21થી વિજય મેળવ્યો.

યામાગુચીએ બીજા સેટમાં શાનદાર વાપસી કરી, 21-18થી જીત મેળવી. પીવી સિંધુએ જોરદાર લડાઈ આપી, પરંતુ તે સેટ ગુમાવી દીધો. પીવી સિંધુ ત્રીજો અને અંતિમ રાઉન્ડ એકતરફી હારી ગઈ. યામાગુચીએ ત્રીજા સેટમાં સિંધુને 21-11થી હરાવી. આમ જાપાની ખેલાડીએ મહિલા ટીમ ક્વાર્ટર ફાઈનલની પહેલી મેચ 2-1થી જીતી.

ભારતીય મહિલા બેડમિન્ટન ટીમ ક્વાર્ટર ફાઈનલમાં જાપાન સામે હારી

એશિયન ગેમ્સમાં ભારતે મહિલા બેડમિન્ટન ટીમ ક્વાર્ટર ફાઈનલમાં જાપાન સામે પોતાનો પહેલો મુકાબલો ગુમાવ્યો હતો. ભારતને આશા છે કે ઉન્નતિ હુડા વાપસી કરી શકે છે. ઉન્નતિનો મુકાબલો વિશ્વની નંબર 7 ખેલાડી ટોમોકા મિયાઝાકી સામે થશે. તે મજબૂત પ્રદર્શન સાથે ભારતને ફરીથી સમાન સ્થિતિમાં લાવી શકે છે.

ભારતે એશિયન ગેમ્સમાં કુલ 6 મેડલ જીત્યા

આ સમાચાર લખાયા ત્યાં સુધી ભારતે 2026 એશિયન ગેમ્સમાં કુલ 6 મેડલ જીત્યા છે, જેમાં પહેલો ગોલ્ડ મેડલ હજુ બાકી છે. ભારતે 4 સિલ્વર અને 2 બ્રોન્ઝ મેડલ જીત્યા છે. ભારત મેડલ ટેબલ ટેલીમાં 12મા નંબરે છે.

આ પણ વાંચો: Vipraj Nigamના ઘરે પહોંચી જાતીય સતામણીનો આરોપ લગાવનારી છોકરી, એશિયન ગેમ્સમાંથી બહાર થશે ખેલાડી?