India Vs Pakistan: 384 દિવસથી સતત પાકિસ્તાનની બેઈજ્જતી, પાકિસ્તાની કેપ્ટન સાથે શ્રેયસ ઐયરે ન કર્યો હેન્ડશેક

India Vs Pakistan: એશિયન ગેમ્સ 2026ની ફાઈનલમાં શ્રેયસ ઐયરે પાકિસ્તાની કેપ્ટન સાહિબજાદા ફરહાન સાથે હાથ મિલાવ્યો ન હતો. ટીમ ઈન્ડિયાએ 3 ઓક્ટોબરના રોજ ફાઈનલમાં ટોસ જીતીને પહેલા બેટિંગ કરવાનો નિર્ણય લીધો હતો, પરંતુ શ્રેયસ ઐયરે પાકિસ્તાની કેપ્ટન સાથે હાથ મિલાવ્યા વગર ડ્રેસિંગ રૂમમાં પાછા ફર્યો હતો. ભારતીય ટીમની પાકિસ્તાન સાથે નો હેન્ડશેક પોલિસી ઘણા સમયથી ચાલી રહી છે.

આ વિવાદ પહેલી વાર ગયા વર્ષે એશિયા કપ દરમિયાન સામે આવ્યો હતો, જ્યારે ભારતીય ટીમ મેચ પછી પાકિસ્તાની ખેલાડીઓ સાથે હાથ મિલાવ્યા વગર ડ્રેસિંગ રૂમમાં પાછી ફરી હતી. આ 384 દિવસથી ચાલી રહ્યું છે.

384 દિવસથી પાકિસ્તાન સાથે નો હેન્ડશેક પોલિસી

14 સપ્ટેમ્બર, 2025ના રોજ ભારત અને પાકિસ્તાન 2025 એશિયા કપમાં રમ્યા હતા. કેપ્ટન સૂર્યકુમાર યાદવે વિપક્ષી કેપ્ટન સલમાન આગા સાથે હાથ મિલાવવાની ના પાડી હતી. મેચ પછી ટીમ ઈન્ડિયાના ખેલાડીઓ હાથ મિલાવ્યા વિના ડ્રેસિંગ રૂમમાં પાછા ફર્યા.

ભારતીય મેન્સ ક્રિકેટ ટીમે પાકિસ્તાની ખેલાડીઓ સાથે હાથ મિલાવ્યાને 384 દિવસ થઈ ગયા છે. ત્યારથી બંને ટીમો વચ્ચે 4 મેચ રમાઈ છે, પરંતુ ભારતીય ખેલાડીઓએ નો હેન્ડશેક પોલિસી જાળવી રાખી છે. એશિયા કપમાં 3 મેચ રમાઈ હતી, જ્યારે 2026ના T20 વર્લ્ડકપમાં એક મેચ રમાઈ હતી.

ભારત સરકારે પણ આ સમગ્ર વિવાદ પર પોતાનું વલણ સ્પષ્ટ કર્યું છે. થોડા સમય પહેલા રમતગમત મંત્રાલયે એક નિવેદન બહાર પાડીને કહ્યું હતું કે ભારતને એશિયન ગેમ્સ અને અન્ય બહુપક્ષીય ઈવેન્ટ્સમાં પાકિસ્તાન સામે રમવા સામે કોઈ વાંધો નહીં હોય અને તે ઈન્ટરનેશનલ સંગઠનોના નિયમોનું પાલન કરશે, પરંતુ દ્વિપક્ષીય સિરીઝ રમાશે નહીં.

ભારત-પાકિસ્તાન ગોલ્ડ મેડલ મેચ

આ ભારત અને પાકિસ્તાન વચ્ચે એશિયન ગેમ્સના ગોલ્ડ મેડલ મેચ છે. ટીમ ઈન્ડિયા ડિફેન્ડિંગ ચેમ્પિયન છે, જેને 2022 એશિયન ગેમ્સમાં ગોલ્ડ મેડલ જીત્યો હતો. આજની મેચના વિજેતાને ગોલ્ડ મેડલ મળશે, જ્યારે હારનારી ટીમને સિલ્વર મેડલથી સંતોષ માનવો પડશે.

આ પણ વાંચો: IND Vs PAK Final: ભારત-પાકિસ્તાન સામે ગોલ્ડ માટે ટક્કર, જાણો બંને ટીમની પ્લેઈંગ ઈલેવન