Asian Games 2026 Cricket Schedule: એશિયન ગેમ્સ 2026માં ક્રિકેટને લઈને મહત્વની જાહેરાત કરવામાં આવી છે. ટૂર્નામેન્ટમાં ભારત અને પાકિસ્તાન સહિત ચાર ટીમોને સીધી ક્વાર્ટર ફાઇનલમાં સ્થાન આપવામાં આવ્યું છે. ભારત, પાકિસ્તાન, બાંગ્લાદેશ અને શ્રીલંકાને સીડેડ ટીમ તરીકે સ્થાન મળ્યું છે. પુરુષ ક્રિકેટ સ્પર્ધાની શરૂઆત 24 સપ્ટેમ્બરથી થશે, જ્યારે ફાઇનલ મુકાબલો 3 ઓક્ટોબરે રમાશે. ખાસ વાત એ છે કે ભારત અને પાકિસ્તાનને ગ્રુપ સ્ટેજ રમવાની જરૂર નહીં પડે અને બંને ટીમો સીધી ક્વાર્ટર ફાઇનલમાં મેદાનમાં ઉતરશે.

ભારતનો પ્રથમ મુકાબલો 28 સપ્ટેમ્બરે

ભારતીય પુરુષ ક્રિકેટ ટીમ એશિયન ગેમ્સમાં પોતાનો પ્રથમ મુકાબલો 28 સપ્ટેમ્બરે બપોરે 2 વાગ્યે રમશે. ભારત સામે ગ્રુપ Aમાં બીજા ક્રમે રહેનારી ટીમ હશે. આ મેચ નોકઆઉટ મુકાબલો હોવાથી હારનાર ટીમનું ટૂર્નામેન્ટમાં સફર ત્યાં જ પૂર્ણ થઈ જશે. બીજી તરફ પાકિસ્તાન પણ 28 સપ્ટેમ્બરે સવારે 9 વાગ્યે ગ્રુપ Bમાં બીજા ક્રમે રહેનારી ટીમ સામે ક્વાર્ટર ફાઇનલ રમશે.

ભારત, પાકિસ્તાન, બાંગ્લાદેશ અને શ્રીલંકા સીડેડ

પુરુષ ક્રિકેટમાં ભારત, પાકિસ્તાન, બાંગ્લાદેશ અને શ્રીલંકાને સીધી ક્વાર્ટર ફાઇનલમાં પ્રવેશ આપવામાં આવ્યો છે. જ્યારે ગ્રુપ Aમાં અફઘાનિસ્તાન, નેપાળ અને યજમાન જાપાનનો સમાવેશ થાય છે. ગ્રુપ Bમાં હોંગકોંગ (ચીન), મલેશિયા અને ઓમાનની ટીમો રમશે. ગ્રુપ સ્ટેજના મુકાબલા 24થી 26 સપ્ટેમ્બર દરમિયાન રમાશે અને ત્યારબાદ ક્વાર્ટર ફાઇનલનો તબક્કો શરૂ થશે.

એશિયન ગેમ્સમાં મહિલા ક્રિકેટ પણ રોમાંચક બનશે

મહિલા ક્રિકેટમાં કુલ 8 ટીમો ભાગ લેશે. તેમાં ભારત, પાકિસ્તાન, બાંગ્લાદેશ, શ્રીલંકા, જાપાન, ચીન, મલેશિયા અને થાઈલેન્ડનો સમાવેશ થાય છે. ભારતીય મહિલા ટીમ પોતાનો પ્રથમ મુકાબલો 18 સપ્ટેમ્બરે બપોરે 2 વાગ્યે યજમાન જાપાન સામે રમશે. મહિલા ક્રિકેટમાં સેમિફાઇનલ 20 સપ્ટેમ્બરે રમાશે, જ્યારે બ્રોન્ઝ મેડલ અને ફાઇનલ મુકાબલો 22 સપ્ટેમ્બરે યોજાશે.

મહિલા ક્રિકેટનું સંપૂર્ણ શેડ્યૂલ

• 17 સપ્ટેમ્બર, સવારે 9 વાગ્યે: બાંગ્લાદેશ vs ચીન

• 17 સપ્ટેમ્બર, બપોરે 2 વાગ્યે: પાકિસ્તાન vs થાઈલેન્ડ

• 18 સપ્ટેમ્બર, સવારે 9 વાગ્યે: શ્રીલંકા vs મલેશિયા

• 18 સપ્ટેમ્બર, બપોરે 2 વાગ્યે: ભારત vs જાપાન

• 20 સપ્ટેમ્બર, સવારે 9 વાગ્યે: પ્રથમ સેમિફાઇનલ

• 20 સપ્ટેમ્બર, બપોરે 2 વાગ્યે: બીજી સેમિફાઇનલ

• 22 સપ્ટેમ્બર, સવારે 9 વાગ્યે: બ્રોન્ઝ મેડલ મેચ

• 22 સપ્ટેમ્બર, બપોરે 2 વાગ્યે: ફાઇનલ

પુરુષ ક્રિકેટનું સંપૂર્ણ શેડ્યૂલ

ગ્રુપ સ્ટેજ

• 24 સપ્ટેમ્બર, સવારે 9 વાગ્યે: અફઘાનિસ્તાન vs જાપાન

• 24 સપ્ટેમ્બર, બપોરે 2 વાગ્યે: હોંગકોંગ (ચીન) vs મલેશિયા

• 25 સપ્ટેમ્બર, સવારે 9 વાગ્યે: હોંગકોંગ (ચીન) vs ઓમાન

• 25 સપ્ટેમ્બર, બપોરે 2 વાગ્યે: અફઘાનિસ્તાન vs નેપાળ

• 26 સપ્ટેમ્બર, સવારે 9 વાગ્યે: જાપાન vs નેપાળ

• 26 સપ્ટેમ્બર, બપોરે 2 વાગ્યે: મલેશિયા vs ઓમાન

ક્વાર્ટર ફાઇનલ

• 28 સપ્ટેમ્બર, સવારે 9 વાગ્યે: પાકિસ્તાન vs ગ્રુપ Bની બીજા ક્રમે રહેનારી ટીમ

• 28 સપ્ટેમ્બર, બપોરે 2 વાગ્યે: ભારત vs ગ્રુપ Aની બીજા ક્રમે રહેનારી ટીમ

• 29 સપ્ટેમ્બર, સવારે 9 વાગ્યે: શ્રીલંકા vs ગ્રુપ Aની વિજેતા ટીમ

• 29 સપ્ટેમ્બર, બપોરે 2 વાગ્યે: બાંગ્લાદેશ vs ગ્રુપ Bની વિજેતા ટીમ

સેમિફાઇનલ અને ફાઇનલ

• 1 ઓક્ટોબર, સવારે 9 વાગ્યે: પ્રથમ સેમિફાઇનલ

• 1 ઓક્ટોબર, બપોરે 2 વાગ્યે: બીજી સેમિફાઇનલ

• 3 ઓક્ટોબર, સવારે 9 વાગ્યે: બ્રોન્ઝ મેડલ મેચ

• 3 ઓક્ટોબર, બપોરે 2 વાગ્યે: ફાઇનલ

ભારત-પાકિસ્તાનની ટક્કર થશે?

ભારત અને પાકિસ્તાન બંનેને સીધી ક્વાર્ટર ફાઇનલમાં સ્થાન મળ્યું છે. જોકે હાલના શેડ્યૂલ પ્રમાણે બંને ટીમો અલગ-અલગ ક્વાર્ટર ફાઇનલમાં રમશે. જો બંને ટીમો પોતાના-પોતાના મુકાબલા જીતીને આગળ વધે છે, તો સેમિફાઇનલ અથવા ફાઇનલમાં ભારત-પાકિસ્તાનની હાઇવોલ્ટેજ ટક્કર જોવા મળી શકે છે. આ કારણે એશિયન ગેમ્સ 2026ની ક્રિકેટ સ્પર્ધા પર ચાહકોની ખાસ નજર રહેશે.