India America Trade Deal: ભારત-અમેરિકા વચ્ચેનો વેપાર કરાર અંતિમ તબક્કામાં, ટૂંક સમયમાં થઈ શકે જાહેરાત: માર્કો રુબિયો
India America Trade Deal
India America Trade Deal: ભારત-અમેરિકા વચ્ચેનો વેપાર કરાર અંતિમ તબક્કામાં, ટૂંક સમયમાં થઈ શકે જાહેરાત: માર્કો રુબિયો
India America Trade Deal
India America Trade Deal: ભારત અને અમેરિકા વચ્ચે પ્રસ્તાવિત વેપાર કરારને લઈને મહત્વપૂર્ણ સંકેતો સામે આવ્યા છે. અમેરિકાના વિદેશ મંત્રી માર્કો રુબિયોએ સોમવારે જણાવ્યું હતું કે બંને દેશો વેપાર કરારને અંતિમ સ્વરૂપ આપવાની ખૂબ નજીક છે. ભારતના પ્રવાસના એક દિવસ પહેલા આપેલા નિવેદનમાં તેમણે કહ્યું કે કરાર સંબંધિત મોટાભાગની કામગીરી પૂર્ણ થઈ ચૂકી છે અને ટૂંક સમયમાં જાહેરાત થઈ શકે છે.
વિદેશ નીતિમાં સંતુલન જાળવવું જરૂરી
રુબિયોએ રશિયન તેલ અને ગેસની ખરીદી અંગે પણ વાત કરી હતી. તેમણે જણાવ્યું કે વૈશ્વિક પુરવઠા અને ઊર્જાના ભાવ પર પ્રતિબંધોની અસરને ધ્યાનમાં રાખીને અમેરિકાએ છેલ્લા કેટલાક મહિનાઓમાં પ્રતિબંધોમાં છૂટ આપવી પડી છે. દરેક દેશની ભૌગોલિક સ્થિતિ અને વૈકલ્પિક ઊર્જા સ્ત્રોતોની ઉપલબ્ધતા અલગ હોવાથી વિદેશ નીતિમાં સંતુલન જાળવવું જરૂરી છે. ભારત અને અમેરિકા વચ્ચે વેપાર કરારના પ્રથમ તબક્કાને લઈને ચર્ચાઓ અંતિમ તબક્કામાં છે. જોકે, ડેરી ક્ષેત્રમાં બજાર પ્રવેશનો મુદ્દો હજુ પણ મુખ્ય અડચણ હોવાનું માનવામાં આવે છે.
ટેરિફ 25 ટકાથી ઘટાડીને 18 ટકા કર્યો
ફેબ્રુઆરીમાં જાહેર કરાયેલા માળખા હેઠળ અમેરિકાએ ભારતીય ઉત્પાદનો પરનો પારસ્પરિક ટેરિફ 25 ટકાથી ઘટાડીને 18 ટકા કર્યો હતો. સાથે જ રશિયન તેલની ખરીદી સાથે જોડાયેલો વધારાનો 25 ટકા ટેરિફ પણ દૂર કરવામાં આવ્યો હતો. તેના બદલામાં ભારતે અમેરિકાના ઔદ્યોગિક ઉત્પાદનો તેમજ ટ્રી નટ્સ, ફળો, સોયાબીન તેલ, વાઈન અને સ્પિરિટ્સ સહિતના કેટલાક કૃષિ ઉત્પાદનો પર આયાત શુલ્ક ઘટાડવા અથવા દૂર કરવાની પ્રતિબદ્ધતા દર્શાવી હતી.
વેપાર ખાધમાં પણ ઘટાડો નોંધાયો
કેન્દ્રીય વાણિજ્ય અને ઉદ્યોગ મંત્રી પીયૂષ ગોયલ અગાઉ કહી ચૂક્યા છે કે કરારના પ્રથમ તબક્કાને અંતિમ સ્વરૂપ આપવામાં આવ્યું છે અને તેનો કાનૂની મુસદ્દો તૈયાર થઈ રહ્યો છે. વિદેશ મંત્રી એસ. જયશંકરે પણ વાટાઘાટો અંતિમ તબક્કા નજીક હોવાનું જણાવ્યું હતું. જોકે, અમેરિકાના વેપાર પ્રતિનિધિ જેમિસન ગ્રીરે 2 ઑક્ટોબરે કરાર તાત્કાલિક થવાની શક્યતા નકારી હતી. આ દરમિયાન, સપ્ટેમ્બર 2026માં ભારતની માલસામાનની નિકાસ 23 ટકા વધીને 44.4 અબજ ડૉલરે પહોંચી હતી અને વેપાર ખાધમાં પણ ઘટાડો નોંધાયો હતો.
આ પણ વાંચો: Russia Ukraine war: યુદ્ધવિરામ છતાં રશિયાના હુમલા ચાલુ! યુક્રેનના ઊર્જા ક્ષેત્ર પર 76 હુમલા, 2નાં મોત
