Gwaliorમાં ટેલિકોમ મેન્યુફેક્ચરિંગ ઝોન બનશે, નવી રોજગારીની ઊભી થશે તક
Gwalior
Gwaliorમાં ટેલિકોમ મેન્યુફેક્ચરિંગ ઝોન બનશે, નવી રોજગારીની ઊભી થશે તક
Gwalior
Gwalior: કેન્દ્રીય મંત્રી જ્યોતિરાદિત્ય સિંધિયાએ ગ્વાલિયરમાં પ્રસ્તાવિત મુખ્ય ટેલિકોમ મેન્યુફેક્ચરિંગ ઝોન માટેની તૈયારીઓની સમીક્ષા કરવા માટે માધવરાવ સિંધિયા કાઉન્ટર મેગ્નેટ સિટી (SADA) ની મુલાકાત લીધી. તેમને અધિકારીઓ સાથે વિગતવાર બેઠક યોજી અને પ્રોજેક્ટ પર પ્રેઝન્ટેશનની સમીક્ષા કરી.
કુંવરી, આસન અને સાંક નદીઓ પર ત્રણ પુલ પણ બનશે
કેન્દ્રીય મંત્રી જ્યોતિરાદિત્ય સિંધિયાએ મીડિયાને જણાવ્યું હતું કે, "તાનસેન સ્ક્વેર સુધી 16 કિલોમીટરની લાઈન નાખવામાં આવી રહી છે, જેમાંથી આશરે 4 કિલોમીટર પૂર્ણ થઈ ગયું છે. બાકીના 3.75 કિલોમીટર અને 2.5 કિલોમીટરના ભાગો પર કામ હજુ શરૂ થયું નથી. અમે કુંવરી, આસન અને સાંક નદીઓ પર ત્રણ પુલ પણ બનાવી રહ્યા છીએ. આ ત્રણ પુલ લગભગ 65% પૂર્ણ થયા છે. ત્યારબાદ અમે 1,500 મિલીમીટર વ્યાસની પાઈપલાઈન અને સાંક નદી પરના પુલનું નિરીક્ષણ કરીશું. આ સમગ્ર પ્રોજેક્ટ 31 માર્ચ, 2027 સુધીમાં પૂર્ણ થવો જોઈએ."
તેમને કહ્યું કે આ અંતિમ રોડ શો છે. આ પછી અમે કંપનીઓની યાદી અને તેમને ફાળવી શકાય તેવી જમીનને અંતિમ સ્વરૂપ આપીશું. એકવાર કંપનીઓને જમીન ફાળવાઈ જાય, પછી મુખ્યમંત્રી અને હું તમામ કંપની માલિકો સાથે સંયુક્ત બેઠક કરીશું અને ટેલિકોમ મેન્યુફેક્ચરિંગ ઝોનના શિલાન્યાસ સમારોહ માટે ગ્વાલિયરમાં હાજર રહીશું.
https://twitter.com/JM_Scindia/status/2101670410488369408
15,000 થી 18,000 સીધી રોજગારીની તકો ઉભી થવાની ધારણા
તેમને જણાવ્યું હતું કે દિલ્હી અને મુંબઈમાં યોજાયેલા રોડ શોના આધારે અત્યાર સુધીમાં 5,500 કરોડ રૂપિયાના રોકાણ દરખાસ્તો પ્રાપ્ત થઈ છે. આનાથી આશરે 15,000 થી 18,000 સીધી રોજગારીની તકો ઉભી થવાની ધારણા છે.
કેન્દ્રીય મંત્રીએ સોશિયલ મીડિયા પ્લેટફોર્મ એક્સ પર તેમની મુલાકાત વિશે લખ્યું છે કે "ગ્વાલિયરમાં એશિયાનો પ્રથમ ટેલિકોમ કોમ્યુનિકેશન્સ મેન્યુફેક્ચરિંગ ઝોન! આજે, ટેલિકોમ્યુનિકેશન વિભાગના સચિવ અને કેન્દ્ર અને રાજ્ય સરકારના ઉચ્ચ અધિકારીઓ સાથે તેમને ગ્વાલિયરમાં શ્રીમંત માધવરાવ સિંધિયા કાઉન્ટર મેગ્નેટ સિટી (SADA) ખાતે પ્રસ્તાવિત એશિયાના પ્રથમ ટેલિકોમ મેન્યુફેક્ચરિંગ ઝોન (TMZ) માટે નિર્ધારિત જમીનનું નિરીક્ષણ કર્યું. એશિયાનો પ્રથમ સંકલિત TMZ ટેલિકોમ અને ઈલેક્ટ્રોનિક્સ મેન્યુફેક્ચરિંગ અને નવીનતા માટે અત્યાધુનિક ઔદ્યોગિક ક્લસ્ટર તરીકે વિકસાવવામાં આવી રહ્યો છે.
તેમને વધુમાં કહ્યું હતું કે મુંબઈમાં રોકાણકારો સાથે તાજેતરના MoU અને બેઠકો બાદ, ધ્યેય પ્રોજેક્ટના અમલીકરણને ઝડપી બનાવવાનો અને ગ્વાલિયરના હજારો યુવાનો માટે નવી રોજગારીની તકો ઊભી કરવાનો છે.
