India-Australia વચ્ચે 13મી આર્મી ટુ આર્મી સ્ટાફ વાર્તા, સંરક્ષણ સહયોગને મળશે નવી ગતિ
India-Australia
India-Australia વચ્ચે 13મી આર્મી ટુ આર્મી સ્ટાફ વાર્તા, સંરક્ષણ સહયોગને મળશે નવી ગતિ
India-Australia
India-Australia: નવી દિલ્હીમાં ભારત અને ઓસ્ટ્રેલિયાની સેનાઓ વચ્ચે 13મી આર્મી ટુ આર્મી સ્ટાફ વાર્તા યોજાઈ હતી. 28 સપ્ટેમ્બરથી શરૂ થયેલી આ ત્રણ દિવસીય બેઠક 30 સપ્ટેમ્બરે પૂર્ણ થઈ. બંને દેશોના પ્રતિનિધિમંડળોએ વ્યૂહાત્મક તેમજ સમકાલીન સુરક્ષા મુદ્દાઓ પર ચર્ચા કરી હતી. આ બેઠકનો મુખ્ય ઉદ્દેશ બંને દેશોની સેનાઓ વચ્ચે ભાગીદારી, પરસ્પર વિશ્વાસ અને સંકલનને વધુ મજબૂત બનાવવાનો હતો.
ઓસ્ટ્રેલિયન પ્રતિનિધિમંડળે નવી દિલ્હીના નેશનલ વોર મેમોરિયલની મુલાકાત લીધી
ભારતની મુલાકાતે આવેલા ઓસ્ટ્રેલિયન પ્રતિનિધિમંડળે સેન્ટર ફોર લેન્ડ વોરફેર સ્ટડીઝની પણ મુલાકાત લીધી હતી. અહીં બંને પક્ષોએ વર્તમાન સુરક્ષા પડકારો અને તેનાથી સંબંધિત મુદ્દાઓ અંગે વિચારોનું આદાન-પ્રદાન કર્યું હતું. આ ઉપરાંત ઓસ્ટ્રેલિયન પ્રતિનિધિમંડળે નવી દિલ્હીના નેશનલ વોર મેમોરિયલની મુલાકાત લઈને દેશ માટે સર્વોચ્ચ બલિદાન આપનારા શહીદ જવાનોને શ્રદ્ધાંજલિ અર્પણ કરી હતી.
બંને પક્ષોએ વર્તમાન સૈન્ય સહયોગની સમીક્ષા કરી
ત્રણ દિવસ ચાલેલી આ બેઠક દરમિયાન બંને દેશોની સેનાઓ વચ્ચે દ્વિપક્ષીય સંરક્ષણ સહયોગને વધુ મજબૂત બનાવવાના ઉપાયો પર વિસ્તૃત ચર્ચા થઈ હતી. સાથે જ પરસ્પર હિત ધરાવતા ક્ષેત્રોમાં સહયોગનું પ્રમાણ અને વ્યાપ વધારવા અંગે પણ વિચારવિમર્શ કરવામાં આવ્યો હતો. બંને પક્ષોએ વર્તમાન સૈન્ય સહયોગની સમીક્ષા કરી અને ભવિષ્યમાં સંપર્ક તથા સંયુક્ત સૈન્ય ભાગીદારીને વધુ વિસ્તૃત કરવાની દિશા પર ચર્ચા કરી હતી.
સંરક્ષણ ક્ષેત્રે સહયોગ સતત વિસ્તરી રહ્યો છે
ભારત અને ઓસ્ટ્રેલિયા વચ્ચે સંરક્ષણ ક્ષેત્રે સહયોગ સતત વિસ્તરી રહ્યો છે. તાજેતરમાં ભારતીય નૌસેનાના વડા એડમિરલ કૃષ્ણા સ્વામીનાથને ઓસ્ટ્રેલિયાની મુલાકાત દરમિયાન ઓસ્ટ્રેલિયાના ચીફ ઓફ ડિફેન્સ ફોર્સ એડમિરલ માર્ક હેમન્ડ સાથે મુલાકાત કરી હતી.
બંને દેશોએ દરિયાઈ સુરક્ષા સહયોગ અને હિન્દ-પ્રશાંત ક્ષેત્રમાં નૌસેનાઓ વચ્ચે સહકાર વધારવા પર ભાર મૂક્યો હતો. આ દરમિયાન ઓસ્ટ્રેલિયન એરફોર્સ ભારતમાં યોજાઈ રહેલી 'તરંગ શક્તિ' બહુરાષ્ટ્રીય હવાઈ કવાયતમાં પણ ભાગ લઈ રહી છે. આવી સ્થિતિમાં ભારત-ઓસ્ટ્રેલિયા વચ્ચેની આર્મી ટુ આર્મી સ્ટાફ વાર્તાને બંને દેશોના સંરક્ષણ સંબંધોમાં મહત્વપૂર્ણ પગલા તરીકે જોવામાં આવી રહી છે.
