Eiffel Tower વિવાદ પર BAPSની સ્પષ્ટતા, ‘લિંગ આધારિત કોઈ વિનંતી કરવામાં આવી નહોતી’

BAPS Eiffel Tower Clarification: Eiffel Towerના કર્મચારીઓ દ્વારા પ્રતિનિધિમંડળની મુલાકાતને લઈને વ્યક્ત કરવામાં આવેલી ચિંતાઓ અને ત્યારબાદ થયેલા મીડિયા કવરેજ વચ્ચે BAPS સ્વામિનારાયણ સંસ્થા, ફ્રાન્સ દ્વારા સ્પષ્ટતા કરવામાં આવી છે. BAPSએ જણાવ્યું છે કે તેમની મુલાકાતના આયોજન પાછળ કોઈપણ પ્રકારનો લિંગ આધારિત ઉદ્દેશ નહોતો.

https://twitter.com/sidhant/status/2097283075281748205

આશરે 100 સભ્યોનું પ્રતિનિધિમંડળ

BAPSના જણાવ્યા મુજબ, શનિવારે Eiffel Towerની મુલાકાત લેનારા તેમના પ્રતિનિધિમંડળમાં આશરે 100 સભ્યો સામેલ હતા. જૂથની સંખ્યા મોટી હોવાથી મુલાકાત અંગે Eiffel Towerની મેનેજમેન્ટ ટીમ સાથે અગાઉથી જ સંકલન કરવામાં આવ્યું હતું. મોટા જૂથને કારણે ટાવરના કર્મચારીઓ, અન્ય મુલાકાતીઓ અને સ્થળની સામાન્ય કામગીરીમાં ઓછામાં ઓછો વિક્ષેપ પડે તે માટે મુલાકાતનો સમય સામાન્ય કામકાજના સમયની શરૂઆતમાં રાખવામાં આવ્યો હતો.

https://twitter.com/BAPSParis/status/2097042887146156073

‘લિંગ આધારિત કોઈ વિનંતીનો ઉદ્દેશ નહોતો’

BAPSએ સ્પષ્ટતા કરતા જણાવ્યું કે મુલાકાત માટે કરવામાં આવેલું તમામ સંકલન માત્ર Eiffel Towerના સંચાલન અને લોજિસ્ટિક્સને ધ્યાનમાં રાખીને કરવામાં આવ્યું હતું. સંસ્થાએ કહ્યું કે લિંગ આધારિત કોઈ વિનંતી કરવાનો ક્યારેય ઉદ્દેશ નહોતો અને તેનાથી વિપરીત કરવામાં આવતા કોઈપણ સૂચન સંસ્થા કે પ્રતિનિધિમંડળની ભાવના અને મૂલ્યોને દર્શાવતું નથી.

સમાનતા અને સન્માન માટે પ્રતિબદ્ધતા

BAPSએ જણાવ્યું કે સંસ્થા લિંગ, પૃષ્ઠભૂમિ અથવા માન્યતાને ધ્યાનમાં લીધા વિના સમાનતા, પરસ્પર સન્માન અને સૌની સેવાના સિદ્ધાંતો માટે પ્રતિબદ્ધ છે. આ મૂલ્યો તેમની પરંપરાની શિક્ષાઓમાં મૂળભૂત હોવાનું અને વિશ્વભરમાં કરવામાં આવતા સામુદાયિક કાર્યોમાં પણ પ્રતિબિંબિત થતું હોવાનું સંસ્થાએ જણાવ્યું.

‘કોઈને પ્રવેશથી વંચિત કરાયા નથી’

BAPSના જણાવ્યા અનુસાર, તેમની જાણકારી મુજબ પ્રતિનિધિમંડળની મુલાકાત દરમિયાન કોઈપણ મુલાકાતી અથવા Eiffel Towerના કર્મચારીને સ્મારકમાં પ્રવેશથી વંચિત કરવામાં આવ્યા નહોતા. જોકે, સંસ્થાએ Eiffel Towerના કર્મચારીઓ દ્વારા વ્યક્ત કરવામાં આવેલી ચિંતાઓને ગંભીરતાથી લેવાની વાત કરી છે.

અસુવિધા બદલ BAPSએ વ્યક્ત કર્યો ખેદ

BAPSએ જણાવ્યું કે જૂથની મુલાકાત માટે કરવામાં આવેલી વ્યવસ્થાના પરિણામે જો Eiffel Towerના કર્મચારીઓને કોઈપણ પ્રકારની અસુવિધા અથવા અસ્વસ્થતા થઈ હોય તો સંસ્થા તેના માટે સાદર ખેદ વ્યક્ત કરે છે. સંસ્થાએ Eiffel Towerના મેનેજમેન્ટ અને કર્મચારીઓનો સહકાર બદલ આભાર માન્યો છે. સાથે જ સમગ્ર મામલાની સમીક્ષા દરમિયાન તમામ પક્ષો સાથે રચનાત્મક રીતે વાતચીત ચાલુ રાખવાની પ્રતિબદ્ધતા પણ વ્યક્ત કરી છે.