હજીરા ઓવારા પહોંચ્યા હર્ષ સંઘવી, ક્રેનમાં બેસી કર્યું ગણપતિ બાપ્પાનું વિસર્જન

Harsh Sanghavi Ganpati Visarjan: સુરતના હજીરા ખાતે ગણપતિ વિસર્જનને લઈને ભક્તિમય માહોલ જોવા મળ્યો હતો. ગણપતિ બાપ્પાના વિસર્જન પ્રસંગે નાયબ મુખ્યમંત્રી હર્ષ સંઘવી હજીરા બોટ પોઈન્ટ ઓવારા ખાતે પહોંચ્યા હતા. હર્ષ સંઘવીએ બોટ પોઈન્ટ ઓવારા ખાતે ગણપતિ બાપ્પાની મોટી મૂર્તિના વિસર્જનમાં ભાગ લીધો હતો. તેમણે ક્રેનમાં બેસીને ગણપતિ બાપ્પાની મૂર્તિનું વિસર્જન કર્યું હતું.

આ દરમિયાન હર્ષ સંઘવીએ ગણપતિ બાપ્પાના આશીર્વાદ લીધા હતા અને “ગણપતિ બાપ્પા મોરિયા”ના નાદ સાથે ભક્તિભાવ વ્યક્ત કર્યો હતો. હજીરા ખાતે ગણપતિની મોટી મૂર્તિઓના વિસર્જન માટે ખાસ વ્યવસ્થા કરવામાં આવે છે. ગણેશોત્સવના અંતિમ દિવસે મોટી સંખ્યામાં ભક્તો અને ગણેશ મંડળો દ્વારા હજીરા ખાતે બાપ્પાની મૂર્તિઓનું વિસર્જન કરવામાં આવે છે.

નાયબ મુખ્યમંત્રી હર્ષ સંઘવીએ હજીરા બોટ પોઈન્ટ ઓવારા ખાતેની વિસર્જન વ્યવસ્થાની મુલાકાત પણ લીધી હતી. આ દરમિયાન ગણપતિ વિસર્જન માટે કરવામાં આવેલી વ્યવસ્થાઓનું નિરીક્ષણ કરવામાં આવ્યું હતું. હજીરા ખાતે ગણપતિ બાપ્પાના વિસર્જન પ્રસંગે ભક્તિ અને શ્રદ્ધાનો માહોલ જોવા મળ્યો હતો.