Navsariમાં અપક્ષ સભ્ય સેજલ પટેલ પર હુમલાનો આક્ષેપ, ગૌચર જમીન મુદ્દે અરજી બાદ 4 શખ્સોએ હુમલો કર્યાનો દાવો

Sejal Patel Attack Navsari: ગણદેવી તાલુકાના ઉંડાચ ગામમાં ગણદેવી તાલુકા પંચાયતનાં અપક્ષ સભ્ય સેજલ પટેલ પર અજાણ્યા શખ્સોએ હુમલો કર્યો હોવાની ઘટના સામે આવી છે. ગૌચર જમીનના મુદ્દે અરજી કર્યા બાદ ચાર અજાણ્યા શખ્સોએ હુમલો કર્યો હોવાનો આક્ષેપ કરવામાં આવ્યો છે. ઘટનામાં ઇજાગ્રસ્ત સેજલ પટેલને તાત્કાલિક સારવાર માટે મેંગુશી હોસ્પિટલમાં ખસેડવામાં આવ્યાં હતાં.

ગૌચર જમીન મુદ્દે અરજી બાદ હુમલાનો આક્ષેપ

મળતી માહિતી મુજબ, ઉંડાચ ગામમાં ગૌચર જમીનના મુદ્દે અરજી કરવામાં આવ્યા બાદ સેજલ પટેલ પર હુમલો થયો હોવાનો આક્ષેપ છે. ચાર અજાણ્યા શખ્સોએ તેમના પર હુમલો કર્યો હોવાની વિગતો સામે આવી છે. જોકે, હુમલો કયા કારણોસર અને કેવી રીતે કરવામાં આવ્યો તે અંગેની સંપૂર્ણ વિગતો હજુ સ્પષ્ટ થઈ નથી.

ઇજાગ્રસ્ત સભ્યને હોસ્પિટલમાં ખસેડાયાં

હુમલાની ઘટનામાં ઇજાગ્રસ્ત થયેલાં સેજલ પટેલને તાત્કાલિક મેંગુશી હોસ્પિટલમાં સારવાર માટે લઈ જવામાં આવ્યાં હતાં. ઘટનાને પગલે સ્થાનિક સ્તરે ચર્ચા શરૂ થઈ છે.

બીલીમોરા પોલીસે તપાસ હાથ ધરી

સમગ્ર મામલાની ગંભીરતાને ધ્યાનમાં રાખીને બીલીમોરા પોલીસે વધુ તપાસ શરૂ કરી છે. હુમલામાં કોણ સંડોવાયેલું છે, તેની પાછળનું કારણ શું છે અને ગૌચર જમીન અંગેની અરજી સાથે આ ઘટનાનો કોઈ સંબંધ છે કે કેમ તે સહિતનાં પાસાં તપાસવામાં આવી રહ્યાં છે.