Kutch News : ‘તેરા તુજકો અર્પણ’ અંતર્ગત ચીલઝડપની સોનાની ચેઇન પોલીસે ફરિયાદીને પરત, નિવૃત્ત શિક્ષિકાના ચહેરા પર આવી ખુશી
kutch tera tujko arpan
Kutch News : ‘તેરા તુજકો અર્પણ’ અંતર્ગત ચીલઝડપની સોનાની ચેઇન પોલીસે ફરિયાદીને પરત, નિવૃત્ત શિક્ષિકાના ચહેરા પર આવી ખુશી
kutch tera tujko arpan
Kutch News : જિલ્લા પોલીસ દ્વારા હાથ ધરવામાં આવેલા ‘તેરા તુજકો અર્પણ’ કાર્યક્રમ અંતર્ગત જિલ્લા પોલીસ વડા સાગર બાગમારે સોનાની ચેઇન ફરિયાદીને પરત કરી હતી. પોલીસની આ કામગીરીથી ફરિયાદી સહિત વરિષ્ઠ નાગરિકોમાં ખુશી જોવા મળી હતી.
11 સપ્ટેમ્બરના રોજ અંજારમાં ચીલઝડપની ઘટના બની હતી. નિવૃત્ત શિક્ષિકા હાર્દિકાબેન ચૌહાણ મહાદેવ મંદિરના દર્શન કરવા જઈ રહ્યા હતા તે દરમિયાન બાઇક પર આવેલા ત્રણ શખ્સોએ તેમની સોનાની ચેઇન આંચકી લીધી હતી અને ત્યારબાદ ફરાર થઈ ગયા હતા.
ચીલઝડપની આ ઘટનામાં આશરે ₹45,000ની કિંમતની સોનાની ચેઇન ગુમ થઈ હતી
ઘટનાને પગલે ફરિયાદ નોંધાવવામાં આવી હતી અને પોલીસે આરોપીઓને ઝડપી પાડવા માટે તપાસ શરૂ કરી હતી. પોલીસે ટેકનિકલ અને અન્ય તપાસના આધારે સમગ્ર ઘટનાની કડીઓ જોડીને ત્રણ આરોપીઓને ઝડપી પાડ્યા હતા. આરોપીઓની પૂછપરછ અને તપાસ દરમિયાન ફરિયાદી પાસેથી આંચકવામાં આવેલી સોનાની ચેઇન પણ રિકવર કરવામાં આવી હતી. ચેઇન મળી આવ્યા બાદ તેને કાયદેસરની પ્રક્રિયા પૂર્ણ કરીને મૂળ માલિકને પરત કરવામાં આવી હતી.
‘તેરા તુજકો અર્પણ’ કાર્યક્રમ અંતર્ગત જિલ્લા પોલીસ વડા સાગર બાગમારે હાર્દિકાબેન ચૌહાણને તેમની સોનાની ચેઇન પરત કરી હતી. ચેઇન પરત મળતા નિવૃત્ત શિક્ષિકાએ પોલીસનો આભાર વ્યક્ત કર્યો હતો. લાંબા સમય બાદ પોતાની કિંમતી વસ્તુ પરત મળતાં તેમના ચહેરા પર રાહત અને ખુશી જોવા મળી હતી.
પોલીસની આ કામગીરીને વરિષ્ઠ નાગરિકોએ પણ બિરદાવી હતી
ખાસ કરીને વરિષ્ઠ નાગરિકોને લગતા ગુનાઓમાં ઝડપી તપાસ કરી મિલકત પરત મેળવવાની કામગીરી પોલીસ અને નાગરિકો વચ્ચેના વિશ્વાસને વધુ મજબૂત બનાવે છે. અંજાર પોલીસ દ્વારા ચીલઝડપના ગુનાનો ભેદ ઉકેલી માત્ર આરોપીઓને ઝડપી પાડવામાં જ નહીં, પરંતુ ફરિયાદીની ₹45 હજારની કિંમતી સોનાની ચેઇન પણ પરત અપાવવામાં સફળતા મેળવી છે. આ કામગીરીથી પોલીસ દ્વારા ગુમ થયેલી કે ચોરી થયેલી મિલકત પરત મેળવવા માટે કરવામાં આવતા પ્રયાસોનું પણ ઉદાહરણ પૂરું પાડવામાં આવ્યું છે.
‘તેરા તુજકો અર્પણ’ પહેલ હેઠળ ચેઇન પરત મળતાં ફરિયાદી પરિવાર માટે આ પ્રસંગ રાહત અને સંતોષનો બન્યો હતો. પોલીસની કામગીરીને પગલે સ્થાનિકોમાં પણ પોલીસ પ્રત્યે વિશ્વાસની લાગણી વધુ મજબૂત બની છે.
Vivek Shah
વિવેક શાહ ગ્રોથ નાઉ ન્યૂઝમાં Senior Assignment Editor તરીકે કામ કરે છે. ક્રાઇમ હોય કે ઘટના, મૂળમાં ઉતરીને રિપોર્ટિંગ કરવાની આદતે તેમણે અલગ ઓળખ બનાવી છે.. તેમના દ્વારા લખાતી પોલીસ પંચાત સ્પેશયલ કોલમ ખાસ વંચાય છે.. 11 વર્ષનો બોહળો અનુભવ તેમણે મોટા નેટવર્કની વિવિધ ચેનલ્સ સાથે કામ કરીને કેળવ્યો છે
