Kutch News : ભુજની પાલારા જેલમાં કેદીઓ વચ્ચે મારામારી, હત્યાના આરોપીએ અન્ય કેદી પર કર્યો હુમલો

Kutch News : હુમલામાં ઇજાગ્રસ્ત થયેલા કેદીને સારવાર માટે હોસ્પિટલમાં ખસેડવામાં આવ્યો છે. આ મામલે ભુજ બી-ડિવિઝન પોલીસે તપાસ હાથ ધરી છે. મળતી માહિતી મુજબ, પાલારા જેલમાં બંધ દિપાંશુ ચેતન વિશ્વકર્મા નામના કેદીએ અન્ય એક પાકા કામના કેદી પર હુમલો કર્યો હતો.

આ હુમલામાં અન્ય કેદીને ઈજા પહોંચી હતી. ઘટનાની જાણ થતાં ઇજાગ્રસ્ત કેદીને તાત્કાલિક સારવાર માટે હોસ્પિટલમાં ખસેડવામાં આવ્યો હતો. જેલમાં બંધ એક કેદીએ અન્ય પાકા કામના કેદી પર હુમલો કરતાં જેલની સુરક્ષા વ્યવસ્થા અને કેદીઓની સલામતી અંગે સવાલો ઊભા થયા છે.

જેલની અંદર બની હુમલાની ઘટના

ઉલ્લેખનીય છે કે દિપાંશુ ચેતન વિશ્વકર્મા ભુજ રેલવે સ્ટેશન પર થયેલી યુવકની હત્યાના કેસમાં આરોપી છે. મળતી માહિતી પ્રમાણે, બે દિવસ પહેલાં ભુજ રેલવે સ્ટેશન પર એક યુવકની હત્યાની ઘટના બની હતી, જેમાં દિપાંશુ વિશ્વકર્મા આરોપી હોવાનું સામે આવ્યું છે.

આ કેસના સંદર્ભમાં તે પાલારા જેલમાં બંધ હતો. હવે જેલની અંદર જ અન્ય કેદી પર હુમલો કરવાની ઘટના સામે આવતાં સમગ્ર મામલો ચર્ચામાં આવ્યો છે. જેલ જેવી સુરક્ષિત જગ્યામાં કેદીઓ વચ્ચે મારામારી કેવી રીતે થઈ અને હુમલા પાછળનું ચોક્કસ કારણ શું હતું તે સહિતના સવાલો ઊભા થયા છે.

હુમલામાં ઇજાગ્રસ્ત થયેલા કેદીની સારવાર કરવામાં આવી રહી છે

જોકે, હુમલાની ચોક્કસ વિગતો, બંને કેદીઓ વચ્ચેના વિવાદનું કારણ અને ઘટનાની પરિસ્થિતિ અંગે સત્તાવાર રીતે વધુ માહિતી સામે આવવાની બાકી છે. સમગ્ર ઘટનાને લઈને ભુજ બી-ડિવિઝન પોલીસે તપાસ શરૂ કરી છે.

પોલીસ દ્વારા ઘટનાની વિગતો મેળવવા તેમજ હુમલા પાછળના કારણોની તપાસ કરવામાં આવી રહી છે. તપાસ બાદ જ જેલમાં બનેલી આ મારામારીની સંપૂર્ણ હકીકત સ્પષ્ટ થઈ શકશે. ભુજ રેલવે સ્ટેશન હત્યા કેસના આરોપી સામે હવે જેલમાં અન્ય કેદી પર હુમલાનો મામલો સામે આવતાં પોલીસ તપાસનો વિષય બન્યો છે.

આ પણ વાંચો : Navsari News : લુન્સીકુઈ ચોપાટીના વેપારીઓને સી.આર. પાટીલના હસ્તે 45 સ્ટીલ બોડી લારીઓનું વિતરણ કરાયું