Bhavnagar માં મેઘરાજાની ધમાકેદાર એન્ટ્રી, ગ્રામ્ય વિસ્તારોમાં ધોધમાર વરસાદનું આગમન

Bhavnagar જિલ્લામાં લાંબા વિરામ બાદ મેઘરાજાએ ફરી ધમાકેદાર એન્ટ્રી કરતાં અનેક ગ્રામ્ય વિસ્તારો તેમજ વાડી વિસ્તારોમાં ધોધમાર વરસાદ વરસ્યો હતો. ભારે વરસાદના પગલે નીચાણવાળા વિસ્તારોમાં વરસાદી પાણી ભરાઈ જતાં સ્થાનિકોને મુશ્કેલીનો સામનો કરવો પડી રહ્યો છે.

ભાવનગરમાં સવારથી વરસાદ યથાવત

ખાસ કરીને વાડી વિસ્તારોમાં સતત વરસાદને કારણે ખેતરો અને વાડીઓમાંથી વરસાદી પાણી બહાર નીકળી રસ્તાઓ તથા આસપાસના વિસ્તારોમાં ફરી વળ્યું હતું. કેટલાક સ્થળોએ પાણીનો ભરાવો વધતા સ્થાનિક લોકોમાં ચિંતા જોવા મળી હતી.

રસ્તાઓ પર પાણી ફરી વળવાના કારણે વાહનચાલકોને પણ અવરજવર દરમિયાન મુશ્કેલી પડી હતી. વરસાદના કારણે ગ્રામ્ય વિસ્તારોમાં જનજીવન પર પણ અસર જોવા મળી હતી. ભારે વરસાદને પગલે અનેક સ્થળોએ કાચા રસ્તાઓ પર પાણી ભરાઈ જતાં સ્થાનિકોને અવરજવરમાં મુશ્કેલીનો સામનો કરવો પડ્યો હતો. વરસાદી પાણીનો યોગ્ય નિકાલ ન થાય તો આગામી સમયમાં સ્થિતિ વધુ વિકટ બની શકે તેવી ચિંતા સ્થાનિકો દ્વારા વ્યક્ત કરવામાં આવી રહી છે.

ગ્રામ્ય વિસ્તારોમાં પાણી ભરાયા

બીજી તરફ, લાંબા સમય બાદ સારો વરસાદ થતાં વાતાવરણમાં ઠંડક પ્રસરી હતી અને ગરમીથી લોકોને રાહત મળી હતી. જોકે, સતત અને ધોધમાર વરસાદ ખેડૂતો માટે ચિંતાનું કારણ બન્યો છે. ખાસ કરીને ખેતરોમાં ઉભા પાકમાં પાણી ભરાઈ રહે તો પાકને નુકસાન થવાની ભીતિ ખેડૂતો દ્વારા વ્યક્ત કરવામાં આવી રહી છે. વાડી અને ખેતર વિસ્તારોમાં વરસાદી પાણીનો ઝડપી નિકાલ થાય તે માટે તંત્ર દ્વારા જરૂરી કામગીરી હાથ ધરવામાં આવે તેવી સ્થાનિકો દ્વારા માગ ઉઠી છે.

પાણી ભરાયેલા વિસ્તારોમાં યોગ્ય ડ્રેનેજ વ્યવસ્થા કરવામાં આવે તેમજ રસ્તાઓ પર ભરાયેલા પાણીનો નિકાલ કરવામાં આવે તેવી પણ રજૂઆત કરવામાં આવી રહી છે. હાલમાં ભાવનગર જિલ્લામાં વરસાદી માહોલ યથાવત્ રહેતા લોકોની નજર આગામી કલાકોમાં વરસાદની સ્થિતિ પર છે. એક તરફ વરસાદથી વાતાવરણમાં ઠંડક અને ખેડૂતોમાં આશા જોવા મળી રહી છે, તો બીજી તરફ અતિશય વરસાદથી પાકને નુકસાન અને પાણી ભરાવાની સ્થિતિ અંગે ચિંતા પણ વધી છે.

આ પણ વાંચો : Jamnagar માં રામાનંદી સાધુ સમાજનો ભવ્ય કાર્યક્રમ, ગૌરવ અને પ્રતિભાનું સન્માન કરાયું