Arvalli માં ડામર ભરેલું ટ્રેક્ટર રસ્તા વચ્ચે જ ખોટવાયું, ડામર રોડ પર વહેવા લાગ્યો
Arvalli
Arvalli માં ડામર ભરેલું ટ્રેક્ટર રસ્તા વચ્ચે જ ખોટવાયું, ડામર રોડ પર વહેવા લાગ્યો
Arvalli
Arvalli : ટ્રેક્ટરની ચેચીસ તૂટી જતા ટ્રેક્ટર રસ્તા પર જ પડી ભાગ્યું હતું. મળતી માહિતી મુજબ, ટ્રેક્ટરમાં પાછળના બોક્સમાં ડામર ભરવામાં આવ્યો હતો. ટ્રેક્ટર ડામર લઈને ખોખરીયા વિસ્તારમાં પ્રિન્ટિંગ કરવા માટે જઈ રહ્યું હોવાની માહિતી સામે આવી છે. જોકે, બગીચા વિસ્તાર નજીક પહોંચતા જ ટ્રેક્ટરની ચેચીસમાં અચાનક ખામી સર્જાઈ હતી.
ટ્રેક્ટરની ચેચીસ તૂટતા અટવાયું
ચેચીસ તૂટી જતાં ટ્રેક્ટરનો પાછળનો ભાગ રસ્તા પર જ પડી ગયો હતો. જેના કારણે ટ્રેક્ટરની પાછળના બોક્સમાં ભરેલો ડામર પણ રસ્તા પર ઢોળાવા લાગ્યો હતો. જોતજોતામાં રસ્તા પર ડામર ફેલાઈ જતા વાહનચાલકો માટે પણ મુશ્કેલી સર્જાવાની સ્થિતિ ઊભી થઈ હતી.
ઘટનાની જાણ થતાં આસપાસના લોકો પણ સ્થળ પર એકત્રિત થયા હતા. રસ્તા વચ્ચે જ ટ્રેક્ટર ખોટવાઈ જતાં ટ્રાફિક વ્યવસ્થાને અસર થવાની શક્યતા પણ જોવા મળી હતી. ખાસ કરીને ડામર રસ્તા પર ફેલાઈ જતાં વાહનચાલકોને સાવચેતીપૂર્વક પસાર થવાની જરૂરિયાત ઊભી થઈ હતી. ઘટનામાં ટ્રેક્ટરની ચેચીસ તૂટવાનું મુખ્ય કારણ શું હતું તે અંગેની ચોક્કસ માહિતી સામે આવી નથી.
મેઘરજ-મોડાસા રોડ પર ડામરનો ઢગલો!
જોકે, ભારે વજન સાથે ડામરનું વહન કરતી વખતે ટ્રેક્ટરની ચેચીસ તૂટી હોવાનું પ્રાથમિક રીતે જાણવા મળી રહ્યું છે. આ ઘટનામાં કોઈ જાનહાનિ થઈ હોવાના અહેવાલ નથી. પરંતુ રસ્તા પર ડામર ઢોળાઈ જવાના કારણે રસ્તાની સ્થિતિને લઈને પણ સવાલો ઊભા થયા છે.
ટ્રેક્ટર રસ્તા પરથી હટાવ્યા બાદ ફેલાયેલો ડામર દૂર કરવાની કામગીરી કરવી જરૂરી બની હતી. મેઘરજ-મોડાસા રોડ પર બનેલી આ ઘટનાને પગલે થોડા સમય માટે વાહનચાલકોમાં પણ કૌતૂહલ સર્જાયું હતું. ડામર ભરેલું ટ્રેક્ટર રસ્તાની વચ્ચે જ તૂટી પડતાં લોકો ઘટના સ્થળે પહોંચી ગયા હતા. હાલ સમગ્ર ઘટનાને લઈને વધુ વિગતોની રાહ જોવાઈ રહી છે.
Vivek Shah
વિવેક શાહ ગ્રોથ નાઉ ન્યૂઝમાં Senior Assignment Editor તરીકે કામ કરે છે. ક્રાઇમ હોય કે ઘટના, મૂળમાં ઉતરીને રિપોર્ટિંગ કરવાની આદતે તેમણે અલગ ઓળખ બનાવી છે.. તેમના દ્વારા લખાતી પોલીસ પંચાત સ્પેશયલ કોલમ ખાસ વંચાય છે.. 11 વર્ષનો બોહળો અનુભવ તેમણે મોટા નેટવર્કની વિવિધ ચેનલ્સ સાથે કામ કરીને કેળવ્યો છે
