Aravalli: મોડાસા-મેઘરજ રોડ પર ભયાનક અકસ્માત! બાઈક સવારોને બચાવવા જતાં રિક્ષાચાલકે ગુમાવ્યો કાબૂ, મહિલા રોડ પર પટકાઈ

Aravalli: મોડાસાના મેઘરજ રોડ પર બેંક ઓફ મહારાષ્ટ્ર સામે ભયાનક અકસ્માતની ઘટના સામે આવી છે. 14 સપ્ટેમ્બરના રોજ બનેલી સમગ્ર ઘટનાના લાઈવ CCTV ફૂટેજ હવે સામે આવ્યા છે, જેમાં પૂરપાટ ઝડપે આવતી રિક્ષા અને રસ્તા પર અચાનક આવેલા બે બાઈક સવારોને કારણે સર્જાયેલી દુર્ઘટનાની ઘટના કેદ થઈ છે. અકસ્માતમાં રિક્ષામાં સવાર એક મહિલા મુસાફર રોડ પર જોરદાર રીતે પટકાતા ગંભીર રીતે ઈજાગ્રસ્ત થઈ હોવાનું જાણવા મળ્યું છે.

અચાનક સામે આવ્યા બે બાઈક સવારો

મળતી માહિતી મુજબ રિક્ષા પૂરપાટ ઝડપે મેઘરજ રોડ પરથી પસાર થઈ રહી હતી. આ દરમિયાન રિક્ષાની સામે અચાનક બે બાઈક સવારો આવી ગયા હતા. બાઈક સવારોને બચાવવાના પ્રયાસમાં રિક્ષાચાલકે સ્ટિયરિંગ પરથી કાબૂ ગુમાવ્યો હોવાનું સામે આવ્યું છે.

વળાંક લેતાં રિક્ષામાંથી મહિલા પટકાઈ

રિક્ષાચાલકે અચાનક વળાંક લેવાનો પ્રયાસ કરતાં રિક્ષામાં સવાર મહિલા મુસાફર સીધી રોડ પર પટકાઈ હતી. મહિલાને રોડ પર જોરદાર ટક્કર લાગતા ગંભીર ઈજા પહોંચી હોવાનું જાણવા મળ્યું છે.

ગંભીર ઈજાગ્રસ્ત મહિલાને સારવાર માટે ખસેડાઈ

અકસ્મતમાં મહિલા મુસાફર ગંભીર રીતે ઈજાગ્રસ્ત થતાં તેમને તાત્કાલિક સારવાર માટે હોસ્પિટલ ખસેડવામાં આવ્યા હતા. મહિલાની હાલત અંગેની વધુ સત્તાવાર વિગતો હજુ સામે આવી નથી.

અકસ્માતના CCTV ફૂટેજ સામે આવ્યા

આ સમગ્ર ઘટનાના CCTV ફૂટેજ સામે આવતા અકસ્માત કેવી રીતે સર્જાયો તેની તસવીર સ્પષ્ટ થઈ રહી છે. ફૂટેજમાં રિક્ષા પસાર થતી વખતે અચાનક બાઈક સવારો સામે આવતા રિક્ષાચાલક દ્વારા કાબૂ મેળવવાનો પ્રયાસ અને ત્યારબાદ મહિલા મુસાફર રિક્ષામાંથી રોડ પર પટકાતી હોવાની ઘટના જોવા મળી રહી છે.

રોડ પર વાહન ચલાવતી વખતે સાવચેતી જરૂરી

મોડાસા-મેઘરજ રોડ પર બનેલી આ ઘટનાએ ફરી એકવાર વાહનચાલકોની સાવચેતી અને ટ્રાફિક નિયમોના પાલનનો મુદ્દો સામે લાવ્યો છે. ખાસ કરીને અચાનક વળાંક લેતી વખતે તથા અન્ય વાહનોને ઓવરટેક કરતી વખતે ગતિ નિયંત્રણમાં રાખવું કેટલું જરૂરી છે તે આ ઘટના પરથી પણ સ્પષ્ટ થાય છે.

આ પણ વાંચો : Suratમાં Blinkit પરથી મંગાવેલા મોતીચૂરના લાડુ ફૂગવાળા મળ્યાનો આક્ષેપ! પેકેટ ખોલતા જ દુર્ગંધ આવતા ગ્રાહક ચોંક્યો