અમદાવાદમાં શિક્ષણ ક્ષેત્રે મહત્વપૂર્ણ પહેલ, ગોપાલનગર સ્કૂલમાં બનશે 6 નવા વર્ગખંડ

AMC CSR Gopalnagar School: અમદાવાદ મ્યુનિસિપલ કોર્પોરેશનના CSR સેલ દ્વારા ગોપાલનગર સ્કૂલમાં છ નવા વર્ગખંડના વિકાસ માટે રાઉન્ડ ટેબલ ઇન્ડિયા ટ્રસ્ટ સાથે સમજૂતી કરાર (MoU) કરવામાં આવ્યો છે.

આ MoU અંતર્ગત ગોપાલનગર સ્કૂલ ખાતે છ વર્ગખંડનું બાંધકામ અને વિકાસ કરવામાં આવશે. મંજૂર કરવામાં આવેલી ડિઝાઇન અનુસાર વર્ગખંડોના બાંધકામ અને વિકાસની કામગીરી હાથ ધરવામાં આવશે. આ સહયોગથી ગોપાલનગર સ્કૂલના શૈક્ષણિક માળખાને વધુ સુવિધાયુક્ત બનાવવાની દિશામાં કામગીરી થશે. નવા વર્ગખંડોના વિકાસથી વિદ્યાર્થીઓને અભ્યાસ માટે વધારાની સુવિધા ઉપલબ્ધ થશે.

અમદાવાદ મ્યુનિસિપલ કોર્પોરેશન અને રાઉન્ડ ટેબલ ઇન્ડિયા ટ્રસ્ટ વચ્ચે થયેલા આ સમજૂતી કરારનો મુખ્ય હેતુ વિદ્યાર્થીઓ માટે વધુ સારી શૈક્ષણિક સુવિધાઓ ઉપલબ્ધ કરાવવાનો અને અભ્યાસ માટે યોગ્ય વાતાવરણ ઊભું કરવાનો છે. CSR ક્ષેત્રે થયેલી આ ભાગીદારીથી ગોપાલનગર સ્કૂલમાં શૈક્ષણિક સુવિધાઓના વિકાસને વેગ મળવાની અપેક્ષા છે.