Saif Ali Khan: સારા અને ઈબ્રાહિમ સાથે કરીના કપૂરનો કેવો છે સંબંધ? સૈફ અલી ખાને કર્યો ખુલાસો

Saif Ali Khan: બોલીવુડ એક્ટર સૈફ અલી ખાન અને કરીના કપૂર ખાનની જોડી ફેન્સમાં ખૂબ પોપ્યુલર છે. બંને વચ્ચેનું પ્રેમ અને પરસ્પર સમજણનું બંધન આજે પણ અકબંધ છે. તાજેતરમાં આ કપલ કરણ જોહરના પોપ્યુલર ટોક શો 'કોફી વિથ કરણ'માં જોવા મળ્યું હતું. આ દરમિયાન બંનેએ પોતાની પર્સનલ અને પ્રોફેશનલ લાઈફ સાથે જોડાયેલી અનેક વાતો શેર કરી હતી. ખાસ કરીને સૈફે પોતાની પહેલી પત્ની અમૃતા સિંહનાં સંતાનો સારા અલી ખાન અને ઈબ્રાહિમ અલી ખાન સાથે કરીના કપૂરના સંબંધો વિશે વાત કરી હતી.

સૈફે જણાવ્યું કે પરિવારના તમામ સભ્યો વચ્ચે સારો સંબંધ જાળવવામાં કરીનાનો મોટો ફાળો રહ્યો છે. કરીનાએ સારા અને ઈબ્રાહિમ સાથે ખૂબ જ સુંદર સંબંધ બનાવ્યો છે અને પરિવારને એકસાથે જોડવામાં મહત્વપૂર્ણ ભૂમિકા ભજવી છે.

સૈફે કરીનાને આપ્યું ક્રેડિટ

શોમાં કરણ જોહરે સૈફને પૂછ્યું હતું કે પરિવારના તમામ સભ્યો વચ્ચે આજે સારા સંબંધો જોઈને તેમને કેવું લાગે છે અને પરિવાર ફરી એકસાથે સમય કેવી રીતે વિતાવવા લાગ્યો છે?

આ સવાલના જવાબમાં સૈફે કરીનાની પ્રશંસા કરતાં કહ્યું કે પરિવારના દરેક સભ્ય ખૂબ જ સારા અને સમજદાર રહ્યા છે. આ માટે તેઓ કરીના સહિત પરિવારના તમામ લોકોને શ્રેય આપવા માગે છે. સૈફના જણાવ્યા અનુસાર, સંબંધો હંમેશાં બંને તરફથી જળવાય છે. કરીનાએ બધું સરળ બનાવ્યું છે. તે સારા અને ઈબ્રાહિમ સાથે ખૂબ જ સારો સંબંધ ધરાવે છે. બીજી તરફ સારા અને ઈબ્રાહિમ પણ કરીનાના પ્રયાસોને સમજે છે અને તેમને એટલો જ પ્રેમ આપે છે.

ઈબ્રાહિમને પોતાનો આદર્શ માને છે તૈમૂર અને જેહ

આ વાતચીત દરમિયાન કરીનાએ પોતાના બંને દીકરા તૈમૂર અલી ખાન અને જહાંગીર અલી ખાન (જેહ) વિશે પણ રસપ્રદ વાત જણાવી હતી. તેને કહ્યું કે બંને પોતાના મોટા ભાઈ ઈબ્રાહિમને ખૂબ પ્રેમ કરે છે અને તેને પોતાનો આદર્શ માને છે.

સૈફે પણ ઈબ્રાહિમના વખાણ કરતાં જણાવ્યું કે તે તૈમૂર અને જેહ સાથે ખૂબ જ પ્રેમથી રહે છે. જ્યારે પણ ઈબ્રાહિમ ઘરે આવે છે, ત્યારે તે બંનેના રૂમમાં જાય છે અને તેમની સાથે વાતો કરે છે. બંનેને તેની સાથે રમવું પણ ખૂબ ગમે છે. સૈફના મતે, ઈબ્રાહિમે બંને નાના ભાઈઓ સાથે એક ખાસ સંબંધ બનાવ્યો છે અને આ સંબંધ જાળવી રાખવો ખૂબ સારી વાત છે.

13 વર્ષના લગ્નજીવન બાદ અલગ થયાં હતાં સૈફ અને અમૃતા

તમને જણાવી દઈએ કે સૈફ અલી ખાને વર્ષ 1991માં એક્ટ્રેસ અમૃતા સિંહ સાથે લગ્ન કર્યા હતાં. આ લગ્નથી તેમને 2 સંતાનો સારા અલી ખાન અને ઈબ્રાહિમ અલી ખાન છે. પરંતુ લગ્નનાં આશરે 13 વર્ષ બાદ વર્ષ 2004માં બંને અલગ થઈ ગયાં હતાં. ત્યારબાદ સૈફે 16 ઓક્ટોબર, 2012ના રોજ કરીના કપૂર સાથે લગ્ન કર્યા હતાં. આજે બંને પરિવારના સભ્યો વચ્ચેના સંબંધોની વાતો ફરી એકવાર ચર્ચામાં આવી છે.

આ પણ વાંચો: Ramayana Review: રામની મર્યાદા, રાવણનો અહંકાર અને સીતાની શક્તિ, નિતેશ તિવારીની સિનેમેટિક દુનિયા