Kiara Advani અને સિદ્ધાર્થ મલ્હોત્રા ફરી બનશે માતા-પિતા, શેર કરી ખુશખબર

Kiara Advani: કિયારા અડવાણી અને સિદ્ધાર્થ મલ્હોત્રાના જીવનમાં ખુશીઓનો એક નવો અધ્યાય શરૂ થવાનો છે. લગ્ન પછી એક પુત્રીના માતા-પિતા બનેલા આ સ્ટાર કપલે હવે ફરી સારા સમાચાર શેર કર્યા છે. કિયારાએ સોશિયલ મીડિયા પર એક ફોટો પોસ્ટ કરીને તેમના બીજા બાળકના આગમનની જાહેરાત કરી. તેમની નાની પુત્રી સરાયા પણ પરિવાર સાથે સેલિબ્રેશનમાં જોડાઈ હતી. બંનેએ પોસ્ટ કરીને આ ખુશખબર શેર કરી.

કિયારા અડવાણીએ શેર કર્યા સારા સમાચાર

કિયારાએ ફેન્સ સાથે આ સમાચાર જે રીતે શેર કર્યા તે બધાનું ધ્યાન ખેંચી ગયું. આ ફોટામાં કિયારા, સિદ્ધાર્થ અને તેમની પુત્રી સરાયાના હાથમાં બાળકના ગૂંથેલા શૂઝ પકડેલા જોવા મળે છે. આ ફોટાની સાથે કિયારાએ એક ઈમોશનલ મેસેજ લખ્યો છે કે, જેમાં કહ્યું કે તેને ફરી એકવાર તેના જીવનની સૌથી મોટી ભેટ મળવાની છે, અને તેનો પરિવાર પ્રેમ અને કૃતજ્ઞતાથી ભરાઈ ગયો છે.

ફોટો સામે આવતાની સાથે જ ફેન્સ અને સેલિબ્રિટી અભિનંદનનો વરસાદ શરૂ થઈ ગયો. આ જાહેરાતનું બીજું એક ખાસ પાસું છે: કિયારા અને સિદ્ધાર્થે જ્યારે પહેલીવાર માતાપિતા બનવાની યોજના જાહેર કરી ત્યારે તેમને બાળકના શૂઝ દ્વારા પોતાનો આનંદ વ્યક્ત કર્યો હતો. તેથી આ જાહેરાત તેમના માટે ઈમોશનલ રીતે ખાસ માનવામાં આવે છે.

ગયા વર્ષે દીકરીનું કર્યું સ્વાગત

કિયારા અને સિદ્ધાર્થે 16 જુલાઈ, 2025ના રોજ તેમના પહેલા બાળકનું સ્વાગત કર્યું. તેમને એક પુત્રીનું સ્વાગત કર્યું, જેનું નામ સરાયા રાખ્યું છે. માતાપિતા બન્યા પછી કિયારાએ બ્રેક લીધો અને પછી તે તેના કામમાં પરત ફરી. આ વર્ષે તે યશ સાથે ફિલ્મ "ટોક્સિક" માં જોવા મળી. માતા બન્યા પછી કિયારાએ અનેક ઈન્ટરવ્યુમાં તેના અનુભવો શેર કર્યા. રાજ શમાની કાર્યક્રમમાં તેણે કહ્યું કે માતૃત્વએ તેને અંદરથી બદલી નાખી છે. તેના મતે તે માતા બન્યા પહેલા અને પછી કિયારા વચ્ચે નોંધપાત્ર તફાવત અનુભવે છે. તેણે એમ પણ કહ્યું કે માતા બન્યા પછી, તે પહેલા કરતાં વધુ આત્મવિશ્વાસુ અને મજબૂત બની છે.

View post on Instagram

પ્રેગ્નેન્સી દરમિયાન પણ શૂટિંગ બંધ ન થયું

"ટોક્સિક" ફિલ્મની તેની કો-એક્ટ્રેસ હુમા કુરેશીએ પણ કિયારાના કામ પ્રત્યેના સમર્પણનો ઉલ્લેખ કર્યો છે. હુમાએ ખુલાસો કર્યો કે ફિલ્મના એક દ્રશ્યનું શૂટિંગ કરતી વખતે ભારે વરસાદ પડી રહ્યો હતો. તે સમયે કિયારા પ્રેગ્નેન્સીના છઠ્ઠા મહિનામાં હતી, છતાં તેણે સંપૂર્ણ શક્તિથી સીન પર કામ કરવાનું ચાલુ રાખ્યું. હુમા કુરુશીએ ખુલાસો કર્યો કે વરસાદમાં શૂટિંગ કરતી વખતે તેને પોતે પણ માથાનો દુખાવો થતો હતો, અને જ્યારે પણ તેને ફરિયાદ કરવાનું મન થતું ત્યારે તે કિયારા તરફ જોતી. પ્રેગ્નેન્સી હોવા છતાં કિયારાનું કામ પ્રત્યેનું સમર્પણ જોઈને તેને પ્રેરણા મળી.

'શેરશાહ' ના સેટ પર શરૂ થઈ હતી લવસ્ટોરી

કિયારા અને સિદ્ધાર્થની લવસ્ટોરી "શેરશાહ" ના શૂટિંગ દરમિયાન શરૂ થઈ હતી. 2021ની ફિલ્મમાં સિદ્ધાર્થે પરમ વીર ચક્ર વિજેતા કેપ્ટન વિક્રમ બત્રાની ભૂમિકા ભજવી હતી, જ્યારે કિયારાએ તેની ગર્લફ્રેન્ડ, ડિમ્પલ ચીમાની ભૂમિકા ભજવી હતી. ફિલ્મને ફેન્સ અને ક્રિટિક્સ બંને તરફથી પ્રશંસા મળી હતી. ફિલ્મના શૂટિંગ દરમિયાન તેની નિકટતાના સમાચાર સામે આવવા લાગ્યા, પરંતુ તે સમયે તેઓએ ખુલ્લેઆમ તેમના સંબંધોની ચર્ચા કરી ન હતી. બાદમાં કરણ જોહરના એક કાર્યક્રમમાં કિયારાએ સિદ્ધાર્થને તેની ગર્લફ્રેન્ડ તરીકે ઉલ્લેખ કર્યા પછી તેમના સંબંધો વિશે અટકળો વધુ તીવ્ર બની.

જેસલમેરમાં થયા હતા લગ્ન

ઘણા વર્ષો સુધી રિલેશનશિપમાં રહ્યા પછી કિયારા અને સિદ્ધાર્થે 7 ફેબ્રુઆરી, 2023 ના રોજ રાજસ્થાનના જેસલમેરમાં લગ્ન કર્યા. આ પરંપરાગત હિન્દુ લગ્ન સેરેમનીના ફોટા સોશિયલ મીડિયા પર ચર્ચામાં આવ્યા હતા. તેમના લગ્નના લગભગ 2 વર્ષ પછી તેઓ પહેલી વાર માતાપિતા બન્યા, અને હવે પરિવારમાં બીજા નવા સભ્યના આગમનના સમાચારે તેમની ખુશી બમણી કરી દીધી છે.

આ પણ વાંચો: Inshallah: 7 વર્ષ પછી ફરી 'ઈન્શાઅલ્લાહ' ફિલ્મને લઈને ચર્ચા, સંજય લીલા ભણસાલી ફરી આલિયા ભટ્ટ સાથે કામ કરશે?