Jennifer Wingetના ભારતીય લગ્નની તૈયારીઓ શરૂ, મિત્રો અને પરિવાર સાથે કરી મસ્તી

Jennifer Winget: યુકેમાં પતિ વિલિયમ ઈસ્માઈલ સાથે ખ્રિસ્તી લગ્ન કર્યા પછી ટીવી અને ઓટીટી સ્ટાર જેનિફર વિંગેટ હવે ભારતીય લગ્ન કરવા માટે તૈયાર છે. એવું લાગે છે કે જેનિફરે મુંબઈમાં તેના નજીકના મિત્રો અને ઈન્ડસ્ટ્રીના પરિવાર માટે મહેંદી પાર્ટીનું આયોજન કર્યું હતું, કારણ કે એક્ટ્રેસે તેના હનીમૂન અને 'શાક: ટ્રસ્ટ નો વન' ના પ્રમોશનમાંથી સમય કાઢીને પાર્ટીમાં હાજરી આપી હતી.

ટ્વિટર અને ઈન્સ્ટાગ્રામ પર ઘણા વીડિયો વાયરલ થઈ રહ્યા છે, જેમાં એક્ટ્રેસ તેના પતિ વિલિયમ ઈસ્માઈલ સાથે પાર્ટી સ્થળે જોવા મળી રહી છે. રિતેશ દેશમુખ, જેનેલિયા ડિસોઝા, કરણ વાહી, ઐશ્વર્યા સખુજા, આશિષ ચૌધરી, મંદિરા બેદી અને મુશ્તાક શેખ સહિત તેના નજીકના મિત્રો ઉજવણીમાં હાજર રહ્યા હતા.

જેનિફર વિંગેટનો ભારતીય લગ્નનો લુક વાયરલ થયો

જેનિફર વિંગેટે 16 જુલાઈના રોજ વેસ્ટ વેલ્સ, યુકેમાં વિલિયમ ઈસ્માઈલ સાથે લગ્ન કર્યા હતા. હવે ગોવામાં તેમના મજેદાર લગ્નના વીડિયો ઓનલાઈન સામે આવ્યા છે અને વાયરલ થયા છે. આ ક્લિપ્સમાં, જેનિફર વિંગેટ ખૂબ જ ખુશ અને તેના મિત્રો સાથે પાર્ટી કરી રહી છે. એક્ટ્રેસે પિંક ડોટેડ લહેંગો પહેર્યો હતો, જેને તેને પર્પલ બ્લાઉઝ, હેવી જ્વેલરી પહેરી હતી. તેણે તેના લુકમાં ગજરો પણ સામેલ કર્યો હતો. બીજી બાજુ વિલિયમે આઈસ બ્લુ કુર્તા સેટ પહેર્યો હતો.

View post on Instagram

જેનિફર વિંગેટના ક્રિશ્ચિન લગ્ન

એક્ટ્રેસે 16 જુલાઈ, 2026ના રોજ યુકેના સાઉથ વેલ્સમાં માર્ગમ એબી ચર્ચમાં એક પ્રાઈવેટ ક્રિશ્ચિન લગ્ન સેરેમનીમાં સિંગાપોરના ફાઈનાન્સ પ્રોફેશનલ વિલિયમ ઈસ્માઈલ સાથે લગ્ન કર્યા. એક્ટ્રેસે તેના સોશિયલ મીડિયા પર લગ્નના ફોટા અને વીડિયો શેર કર્યા, જેમાં તેના પતિનો ફેસ ફેન્સને બતાવવામાં આવ્યો. જેનિફરથી વિપરીત, વિલિયમ ઈસ્માઇલ ફિલ્મ કે ટેલિવિઝન ઈન્ડસ્ટ્રીમાંથી નથી. તે સિંગાપોર સ્થિત ફાઈનાન્સ પ્રોફેશનલ છે અને તેને પોતાના કરિયરનો મોટાભાગનો સમય વૈશ્વિક નાણાકીય બજારોમાં કામ કરવામાં વિતાવ્યો છે.

જેનિફર સાથેના તેના સંબંધો જાહેર થયા તે પહેલાં, તેની પર્સનલ લાઈફ વિશે બહુ ઓછી માહિતી હતી. તે હાલમાં MHC ડિજિટલ ગ્રુપમાં બિઝનેસ ડેવલપમેન્ટ અને ટ્રેડિંગના ડાયરેક્ટર તરીકે સેવા આપે છે. રોકાણ બેંકિંગ અને વિદેશી વિનિમય બજારોમાં ઘણા વર્ષો ગાળ્યા પછી તે 2022 માં સંસ્થામાં જોડાયો હોવાના અહેવાલ છે. તે અગાઉ UBS ઈન્વેસ્ટમેન્ટ બેંકમાં કામ કરતો હતો, જ્યાં તે વિદેશી વિનિમય વેપારમાં નિષ્ણાત હતો.

લગ્ન પછી જેનિફર વિંગેટની પહેલી સિરીઝ

આ એક્ટ્રેસ નેટફ્લિક્સની આગામી સિરીઝ "શાક: ટ્રસ્ટ નો વન" માં જોવા મળશે. લગ્ન પછી જેનિફર વિંગેટનો આ પહેલો મોટો પ્રોજેક્ટ છે. આ શો 24 સપ્ટેમ્બર, 2026 ના રોજ નેટફ્લિક્સ પર રિલીઝ થશે. આ સિરીઝ પરિણીતી ચોપરાના OTT ડેબ્યૂ કરશે અને તેમાં જેનિફર વિંગેટ, સોની રાઝદાન, અનુપ સોની, તાહિર રાજ ભસીન, હરલીન સેઠી, સુમિત વ્યાસ અને ધ્રુવ ચૌધરી પણ છે.

આ પણ વાંચો: Alia Bhatt રાહાને કેમેરા ફ્લેશથી દૂર રાખતી મળી જોવા, પરિવાર સાથે કર્યું ગણેશ વિસર્જન