Diwali 2026: 8 કે 9 નવેમ્બર, દિવાળી 2026 ક્યારે છે? જાણો લક્ષ્મી પૂજા, ગોવર્ધન પૂજા અને ભાઈબીજની તારીખ

Diwali 2026: હિન્દુ ધર્મમાં દિવાળી સૌથી મોટા અને મહત્વપૂર્ણ તહેવારોમાંનો એક છે. દર વર્ષે કારતક મહિનાની અમાસના દિવસે દિવાળીનો પર્વ ઉજવવામાં આવે છે. આ દિવસે લોકો પોતાના ઘરોને દીવડા, રંગોળી અને રોશનીથી શણગારે છે. ધાર્મિક માન્યતા અનુસાર દિવાળીની રાત્રે માતા લક્ષ્મી અને ભગવાન ગણેશની પૂજા કરવાથી ઘરમાં સુખ, સમૃદ્ધિ અને ખુશહાલી આવે છે.

વર્ષ 2026માં દિવાળીનો મુખ્ય તહેવાર 8 નવેમ્બર, રવિવારના રોજ ઉજવવામાં આવશે. આ વખતે 8 કે 9 નવેમ્બરની તારીખને લઈને લોકોમાં મૂંઝવણ છે, ત્યારે પંચાંગ અનુસાર 8 નવેમ્બરે લક્ષ્મી પૂજન કરવું શુભ રહેશે.

દિવાળી 2026 લક્ષ્મી પૂજાનું શુભ મુહૂર્ત

દિવાળીના દિવસે સાંજે માતા લક્ષ્મી અને ભગવાન ગણેશની પૂજાનું વિશેષ મહત્વ છે. વર્ષ 2026માં પૂજાનો શુભ સમય નીચે મુજબ છે.

દિવાળીની તારીખ - 8 નવેમ્બર, રવિવાર

પ્રદોષ કાળ - સાંજે 5:31થી રાત્રે 8:09 વાગ્યા સુધી

લક્ષ્મી પૂજા મુહૂર્ત - સાંજે 5:54થી રાત્રે 7:50 વાગ્યા સુધી

વૃષભ કાળ - સાંજે 5:54થી રાત્રે 7:50 વાગ્યા સુધી

ધનતેરસથી શરૂ થશે 5 દિવસનો દીપોત્સવ

દિવાળીનો તહેવાર પાંચ દિવસ સુધી ઉજવવામાં આવે છે. તેની શરૂઆત ધનતેરસથી થાય છે. ત્યારબાદ કાળી ચૌદશ, દિવાળી, ગોવર્ધન પૂજા અને ભાઈબીજના પર્વની ઉજવણી કરવામાં આવે છે. દરેક તહેવારનું પોતાનું ધાર્મિક અને સાંસ્કૃતિક મહત્વ છે.

ગોવર્ધન પૂજા 2026 ક્યારે છે?

દિવાળીના બીજા દિવસે ઉજવાતી ગોવર્ધન પૂજા આ વર્ષે 10 નવેમ્બર, મંગળવારના રોજ કરવામાં આવશે. ધાર્મિક માન્યતા અનુસાર ભગવાન શ્રીકૃષ્ણે ઈન્દ્રદેવના પ્રકોપથી બ્રિજવાસીઓ અને તેમનાં પશુઓની રક્ષા કરવા પોતાની નાની આંગળી પર ગોવર્ધન પર્વત ઊંચક્યો હતો. આ પ્રસંગની યાદમાં ગોવર્ધન પૂજાની પરંપરા શરૂ થઈ હતી.

ભાઈબીજ 2026ની તારીખ

ભાઈ-બહેનના પ્રેમ અને સ્નેહનું પ્રતીક ગણાતો ભાઈબીજનો તહેવાર 11 નવેમ્બર, બુધવારના રોજ ઉજવવામાં આવશે. આ તહેવારને યમ દ્વિતીયા તરીકે પણ ઓળખવામાં આવે છે. આ દિવસે બહેન પોતાના ભાઈના કપાળ પર તિલક કરીને તેમના લાંબા આયુષ્ય અને સુખી જીવનની કામના કરે છે. ધાર્મિક માન્યતા અનુસાર આ પરંપરા યમરાજ અને તેમની બહેન યમુના સાથે જોડાયેલી છે.

Disclaimer: અહીં આપવામાં આવેલી માહિતી ધાર્મિક માન્યતાઓને આધારે છે, ગ્રોથ નાઉ ન્યુઝ તેની પુષ્ટિ કરતું નથી.

આ પણ વાંચો: Govardhan Puja 2026: 9 કે 10 નવેમ્બરે, ક્યારે થશે ગોવર્ધન પૂજા? જાણો તિથિ અને પૂજાનો શુભ સમય