ઇસ્લામાબાદ: અમેરિકાના ઉપરાષ્ટ્રપતિ જેડી વેન્સની પાકિસ્તાન મુલાકાત અને ઈરાન સાથેની તેમની મેરેથોન વાટાઘાટોએ માત્ર રાજદ્વારી વર્તુળોમાં જ નહીં, પણ સોશિયલ મીડિયા પર વ્યંગ અને ચર્ચાનો દોર પણ જગાવ્યો છે. 

અહેવાલોને ટાંકીને, એક સોશિયલ મીડિયા યુઝરે કહ્યું કે, જેડી વાન્સે સુરક્ષા કારણોસર ઇસ્લામાબાદમાં તેમના રોકાણ દરમિયાન એકપણ ટુકડો ખાધો નહોતો. તેઓ એરપોર્ટથી સીધા વાટાઘાટોના ટેબલ પર ગયા અને લગભગ 21 કલાકની ચર્ચા પછી કંઈપણ ખાધા-પીધા વિના ચાલ્યા ગયા છે.

સોશિયલ મીડિયા યુઝર્સે તેમના આ વ્યવહાર પર કટાક્ષ કર્યો છે. સંદીપ પારેખ નામના એક યુઝરે કટાક્ષમાં લખ્યું હતું કે, ‘અરે, તમારી સાસરીમાંથી મંગાવી લેવાય...’ ઉલ્લેખનીય છે કે, વેન્સની પત્ની ભારતીય મૂળની ઉષા વેન્સ છે. તેને લઈને રમૂજી અંદાજમાં આ કટાક્ષ કરવામાં આવ્યો હતો.

કામ કે માત્ર ઔપચારિકતા?
રિપોર્ટમાં દાવો કરવામાં આવ્યો છે કે, વેન્સનું વર્તન એવું હતું કે જાણે તે ફક્ત ઔપચારિકતા પૂર્ણ કરવા માટે જ આવ્યો હોય. 21 કલાકની ચર્ચા છતાં, જે રીતે તે ઔપચારિક રાત્રિભોજન કે આરામ કર્યા વિના પાછા ફરી વાટાઘાટોની ગંભીરતા અને પરિણામ પર પ્રશ્નો ઉભા કર્યા છે. રાજદ્વારી નિષ્ણાતો માને છે કે, ખાવા-પીવાથી દૂર રહેવું એ અમેરિકાની ભારે સુરક્ષા ચિંતાઓને પ્રતિબિંબિત કરે છે, પરંતુ સામાન્ય લોકો માટે, તે સોશિયલ મીડિયા પર મીમ સામગ્રી બની ગઈ છે. 

આ ઘટનાએ એ પણ સ્પષ્ટ કર્યું છે કે, અમેરિકા અને ઈરાન વચ્ચે કડવાશ અને અવિશ્વાસ એટલો ઊંડો છે કે મૂળભૂત આતિથ્ય શિષ્ટાચાર પણ હવે શંકાના દાયરામાં છે. વેન્સનો ઉપવાસ રાજદ્વારી ચર્ચાનો વિષય બની રહી છે.