Iran America War: અમેરિકા અને ઈરાન વચ્ચે ફરી એકવાર તણાવ વધ્યો છે. ડોનાલ્ડ ટ્રમ્પે પાકિસ્તાન દ્વારા અમેરિકાને મોકલવામાં આવેલા ઈરાનના નવા પ્રસ્તાવને સ્પષ્ટપણે નકારી કાઢ્યો છે. અહેવાલો અનુસાર, પ્રસ્તાવ વાંચ્યા પછી ટ્રમ્પ અસંતુષ્ટ દેખાયા અને સ્પષ્ટપણે કહ્યું કે, વર્તમાન શરતો પર કોઈ કરાર શક્ય નથી. તેમણે કહ્યું કે જો ઈરાન વધુ સારી અને સ્પષ્ટ શરતો નહીં આપે, તો વાટાઘાટો આગળ વધશે નહીં.

ઈરાનનો પ્રસ્તાવ શું હતો?
ઈરાને અમેરિકા સમક્ષ એક મુખ્ય શરત મૂકી હતી: જો અમેરિકા હોર્મુઝ સ્ટ્રેટ પરનો નાકાબંધી હટાવે તો તે પરમાણુ કરાર માટે વાટાઘાટો કરવા તૈયાર છે. જો કે, ટ્રમ્પનું વલણ સંપૂર્ણપણે વિરુદ્ધ છે. તે ઇચ્છે છે કે ઈરાન પહેલા તેના પરમાણુ કાર્યક્રમ પર કરાર કરે, પછી જ કોઈ રાહત આપવામાં આવશે.

પરમાણુ શસ્ત્રો પાગલોના હાથમાં ન આપી શકીએઃ ડોનાલ્ડ ટ્ર્મ્પ
ટ્રમ્પે ઈરાનના પરમાણુ કાર્યક્રમ પર કડક વલણ અપનાવ્યું છે. તેમણે કહ્યું કે, ઈરાનને કોઈપણ કિંમતે પરમાણુ શસ્ત્રો મેળવવા દેવામાં આવશે નહીં. તેમણે કહ્યું, 'આપણે ઈરાનને પરમાણુ શસ્ત્રો આપી શકતા નથી. કારણ કે, તેઓ પહેલા તેનો ઉપયોગ ઇઝરાયલ પર કરશે, પછી મધ્ય પૂર્વ અને યુરોપ પર અને પછી અમેરિકા હશે, આપણે આવા પાગલોના હાથમાં પરમાણુ શસ્ત્રો ન આપી શકીએ.'

ટ્રમ્પની કડક ચેતવણી
ટ્રમ્પે દાવો કર્યો હતો કે, યુએસ લશ્કરી કાર્યવાહી ખાસ કરીને B-2 બોમ્બર્સના ઉપયોગથી ઈરાનની લશ્કરી ક્ષમતાઓ નબળી પડી છે. તેમણે જણાવ્યું હતું કે ઈરાનની નૌકાદળ, વાયુસેના અને રડાર સિસ્ટમ પર ગંભીર અસર પડી છે. જોકે, તેમણે એમ પણ કહ્યું હતું કે તેઓ રાજદ્વારી ઉકેલને પસંદ કરીને સંપૂર્ણ પાયે, વિનાશક હુમલો કરવા માંગતા નથી.