અમદાવાદના મોટેરા સ્થિત વિશ્વવિખ્યાત Narendra Modi Stadium ખાતે આવતીકાલે રમાનારી IPL 2026ની ફાઇનલ મેચને લઈને ક્રિકેટપ્રેમીઓમાં જબરદસ્ત ઉત્સાહ જોવા મળી રહ્યો છે. ઓનલાઈન ટિકિટ બુક કરાવનાર હજારો ચાહકો આજે વહેલી સવારથી જ સ્ટેડિયમ ખાતે પહોંચી પોતાની હાર્ડ કોપી ટિકિટ મેળવવા માટે લાંબી કતારોમાં ઊભા રહ્યા હતા.

સ્ટેડિયમ બહાર ઉમટ્યો ક્રિકેટ પ્રેમીઓ

ફાઇનલ મેચને લઈને ચાહકોમાં એવો ઉત્સાહ જોવા મળી રહ્યો છે કે સવારે જ સ્ટેડિયમ બહાર લોકોની લાંબી લાઈનો લાગી ગઈ હતી. યુવાનો, પરિવારજનો અને ક્રિકેટપ્રેમીઓ મોટી સંખ્યામાં સ્ટેડિયમ ખાતે પહોંચ્યા હતા. સમગ્ર વિસ્તાર ક્રિકેટના રંગમાં રંગાઈ ગયો હતો.

અન્ય રાજ્યોમાંથી પણ અમદાવાદ પહોંચ્યા ચાહકો

IPL ફાઇનલનો રોમાંચ એટલો છે કે માત્ર ગુજરાત જ નહીં, પરંતુ દેશના વિવિધ રાજ્યોમાંથી પણ ક્રિકેટ ચાહકો અમદાવાદ પહોંચ્યા છે. પોતાની મનપસંદ ટીમને મેદાનમાં રમતી જોવા માટે ચાહકોમાં ભારે આતુરતા જોવા મળી રહી છે.

'સ્ટેડિયમમાં ફાઇનલ જોવાનો અનુભવ યાદગાર રહેશે'

ટિકિટ લેવા આવેલા અનેક ચાહકોએ જણાવ્યું હતું કે IPL ફાઇનલ જેવી ઐતિહાસિક મેચને સ્ટેડિયમમાં બેસીને નિહાળવાનો અવસર જીવનભર યાદ રહેશે. ચાહકો પોતાની ટીમના જર્સી, ફ્લેગ અને બેનર સાથે ઉત્સાહ વ્યક્ત કરતા જોવા મળ્યા હતા.

અમદાવાદમાં જામ્યો ક્રિકેટનો માહોલ

ફાઇનલ મેચ પૂર્વે સમગ્ર અમદાવાદ શહેરમાં ક્રિકેટનો માહોલ છવાઈ ગયો છે. હોટલો, રેસ્ટોરન્ટ્સ અને જાહેર સ્થળોએ પણ ક્રિકેટપ્રેમીઓ વચ્ચે ફાઇનલ મેચને લઈને ચર્ચાઓ જોરશોરથી ચાલી રહી છે.

દેશભરની નજર હવે મોટેરા પર

IPL 2026ની ખિતાબી જંગને લઈને સમગ્ર દેશની નજર હવે મોટેરા પર ટકેલી છે. વિશ્વના સૌથી મોટા ક્રિકેટ સ્ટેડિયમમાં યોજાનારી આ મહામુકાબલાને લઈને ઉત્સાહ ચરમસીમાએ પહોંચી ગયો છે અને ક્રિકેટરસિકો આતુરતાપૂર્વક મેચની રાહ જોઈ રહ્યા છે.