New Smartphone: Realme ભારતમાં એક નવો સ્માર્ટફોન લોન્ચ કરી રહ્યું છે, જેનું નામ Realme 16 5G છે. કંપનીએ તેના સત્તાવાર પોર્ટલ પર આ હેન્ડસેટ વિશે વિગતો જાહેર કરી છે, જેમાં કહેવામાં આવ્યું છે કે તે 2 એપ્રિલે ભારતમાં લોન્ચ થશે.

કંપનીનો દાવો છે કે, Realme 16 5G ભારતનો પહેલો સેલ્ફી મિરર ફોન છે. તેમાં બેક પેનલ પર કેમેરા સેન્સર પાસે રિફ્લેકિટવ મિરર છે. આનાથી યુઝર્સ રીઅર કેમેરા સેટઅપનો ઉપયોગ કરીને પણ સેલ્ફી લઈ શકે છે.

Realme Indiaના સત્તાવાર પોર્ટલે આગામી હેન્ડસેટ વિશે કેટલીક વિગતો શેર કરી છે, જેમાં તેનો કેમેરા, ડિઝાઇન, ડિસ્પ્લે અને IP રેટિંગનો સમાવેશ થાય છે.

Realme 16 ડિસ્પ્લે
Realme 16માં 6.57-ઇંચ ડિસ્પ્લે છે અને તેનું વજન 183 ગ્રામ છે. તેની જાડાઈ 8.1 mm છે. કંપની આ હેન્ડસેટને બે કલર વેરિઅન્ટમાં ઓફર કરી રહી છે: એર વ્હાઇટ અને એર બ્લેક.

Realme 16 બેટરી અને ઝડપી ચાર્જર
Realme 16માં 60W ફાસ્ટ ચાર્જર સાથે 7000mAh બેટરી આપવામાં આવશે. સત્તાવાર વેબસાઇટ પર સૂચિબદ્ધ વિગતોમાં ત્રણ વર્ષના Android OS અપડેટ્સ અને ચાર વર્ષના Android સુરક્ષા અપડેટ્સનો સમાવેશ થાય છે.

રીઅલમી ઇન્ડિયા દ્વારા પોસ્ટ

https://twitter.com/i/web/status/2037824516085387699

Realme 16નો કેમેરા સેટઅપ
Realme 16માં Google Pixel 10 શ્રેણીની જેમ જ આડી લાઇનમાં કેમેરા ગોઠવવામાં આવ્યા છે. આ Realme હેન્ડસેટમાં 50MP મુખ્ય કેમેરા સેન્સર છે, જેની સાથે ગોળાકાર LED ફ્લેશલાઇટ છે. જો કે, અન્ય કેમેરા સેન્સર વિશે વિગતો શેર કરવામાં આવી નથી અને સેલ્ફી માટે 50MP ફ્રન્ટ કેમેરા પણ ઉપલબ્ધ છે.

સેલ્ફી મિરર ફીચર શું છે?
પાછળના પેનલ પર કેમેરાની નજીક એક પ્રતિબિંબિત ગોળાકાર સપાટી આપવામાં આવી છે, જેને કંપનીએ સેલ્ફી મિરર નામ આપ્યું છે. જેનાથી વપરાશકર્તાઓ પાછળના કેમેરા સાથે ઉચ્ચ ગુણવત્તાવાળા સેલ્ફી ક્લિક કરી શકે છે.