Himachal Earthquake: હિમાચલ પ્રદેશના કાંગડા જિલ્લામાં અને પંજાબના સરહદી વિસ્તારોમાં ભૂકંપના જોરદાર આંચકા અનુભવાયા હતા. એન્ડ્રોઇડ અર્થક્વેક એલર્ટ સિસ્ટમ અનુસાર, ભૂકંપની તીવ્રતા રિક્ટર સ્કેલ પર 4.3 માપવામાં આવી હતી. તેનું કેન્દ્રબિંદુ હિમાચલ પ્રદેશના લોકપ્રિય પર્યટન સ્થળ ધર્મશાલાથી આશરે 18 કિલોમીટર દૂર હતું. રાત્રે લગભગ 10:04 વાગ્યે આવેલા આ આંચકાથી લોકો ગભરાઈ ગયા હતા અને ઘણી જગ્યાએ લોકો સાવચેતી રૂપે ઘરોમાંથી બહાર નીકળી ગયા હતા. હાલમાં, કોઈ જાનહાનિ કે સંપત્તિને નુકસાન થયાના કોઈ અહેવાલ નથી.

આ માહિતી શિમલા હવામાન વિભાગ દ્વારા આપવામાં આવી હતી. ભૂકંપના આંચકાથી શિમલા, કાંગડા, કુલ્લુ, ચંબા જિલ્લાઓ અને આસપાસના અનેક વિસ્તારોમાં લોકોને તેમના ઘરોમાંથી બહાર દોડી આવ્યા હતા. મોડી રાત સુધી કોઈ મોટી જાનમાલના નુકસાનની જાણ થઈ નથી. ચંબા જિલ્લો ભૂકંપ-સંવેદનશીલ ક્ષેત્રમાં આવે છે અને અહીં પહેલા પણ ઘણી વખત ભૂકંપના આંચકા નોંધાયા છે.

હોટલોમાં રોકાયેલા પ્રવાસીઓ રસ્તા પર દોડી આવ્યાં
ધર્મશાળામાં હોટલોમાં રોકાયેલા પ્રવાસીઓ ગભરાઈ ગયા અને રસ્તા પર દોડી આવ્યા હતા. ચંબાના હોળી વિસ્તારમાં ભૂકંપના કારણે એક ઘરમાં રહેલા LED અને અન્ય વસ્તુઓ દિવાલ પરથી પડીને તૂટી ગઈ હતી અને સમગ્ર વિસ્તારમાં વીજળી ગુલ થઈ ગઈ હતી. ડેપ્યુટી કમિશનર ચંબા મુકેશ રેપસ્વાલે જણાવ્યું હતું કે, જિલ્લા મુખ્યાલય સહિત હોળી, ભરમૌર, ચુવારીમાં હળવા ભૂકંપના આંચકા અનુભવાયા હતા. ભૂકંપને કારણે જાનમાલના નુકસાન અંગે હજુ સુધી કોઈ માહિતી નથી.