અમદાવાદ: ભારતને વર્ષ 2047 સુધી વિકસિત રાષ્ટ્ર બનાવવાના સંકલ્પને સાકાર કરવા માટે યોજાયેલા ICAI (Institute of Chartered Accountants of India) ના પ્રતિષ્ઠિત National Conference 2026 – Atulya Bharat @ 2047 માં ગુજરાતના નાયબ મુખ્યમંત્રી હર્ષ સંઘવી ઉપસ્થિત રહ્યા હતા. આ સંમેલનમાં દેશના વિકાસ માટે નાણાકીય પારદર્શિતા, નવીનતા, સુશાસન અને વ્યાવસાયિક શ્રેષ્ઠતાની ભૂમિકા અંગે વિસ્તૃત ચર્ચા કરવામાં આવી હતી. વિકસિત ભારતના સપનાને સાકાર કરવા માટે વિવિધ ક્ષેત્રના નિષ્ણાતો અને વિચારકો એક મંચ પર આવ્યા હતા.

હર્ષ સંઘવીએ જણાવ્યું હતું કે ભારતના વિકાસના આ પરિવર્તનશીલ યુગમાં ચાર્ટર્ડ એકાઉન્ટન્ટ્સની ભૂમિકા અત્યંત મહત્વપૂર્ણ છે. નાણાકીય શિસ્ત, વિશ્વસનીયતા અને પારદર્શિતાના માધ્યમથી દેશને મજબૂત આર્થિક પાયો મળી શકે છે. તેમણે ICAIને આવા અર્થપૂર્ણ સંમેલનના આયોજન બદલ અભિનંદન પાઠવ્યા હતા અને દેશના વિકાસના માર્ગમાં વ્યાવસાયિકોનું યોગદાન મહત્વપૂર્ણ ગણાવ્યું હતું. આ સંમેલન વિકસિત ભારતના વિઝનને વધુ મજબૂત બનાવવા માટે પ્રેરણાદાયી મંચ સાબિત થયું હતું.