RCB Tim David: અમદાવાદના નરેન્દ્ર મોદી સ્ટેડિયમમાં ગુજરાત ટાઇટન્સ સામે IPL 2026ની ફાઇનલ દરમિયાન IPL આચારસંહિતાનું ઉલ્લંઘન કરવા બદલ રોયલ ચેલેન્જર્સ બેંગ્લોરના બેટ્સમેન ટિમ ડેવિડને તેની મેચ ફીના 50% દંડ ફટકારવામાં આવ્યો છે અને બે ડિમેરિટ પોઇન્ટ આપવામાં આવ્યા છે.

ડેવિડને IPL આચારસંહિતાની કલમ 2.9 હેઠળ દોષિત ઠેરવવામાં આવ્યો છે. જે મેચ દરમિયાન ખેલાડી અમ્પાયર અથવા મેચ અધિકારી તરફ અયોગ્ય અથવા ખતરનાક રીતે બોલ અથવા અન્ય ક્રિકેટ વસ્તુ (જેમ કે પાણીની બોટલ) ફેંકવા સાથે સંબંધિત છે. આ ઘટના પ્રથમ ઇનિંગની 10મી ઓવરમાં બની હતી જ્યારે વિકેટ પડ્યા પછી ડેવિડે ગુસ્સામાં અમ્પાયર નીતિન મેનન તરફ બરફનો પેક ફેંક્યો હતો.

ટિમ ડેવિડે પોતાની ભૂલ સ્વીકારી છે અને મેચ રેફરી જવાગલ શ્રીનાથ દ્વારા લાદવામાં આવેલા દંડને સ્વીકારી લીધો છે. આ સિઝનમાં ટિમ ડેવિડનો આ ત્રીજો દંડ હતો. તેને અગાઉ મેચ નંબર 20માં એક ડિમેરિટ પોઈન્ટ અને મેચ નંબર 54માં બે ડિમેરિટ પોઈન્ટ મળ્યા હતા. હવે તેના કુલ ડિમેરિટ પોઈન્ટ પાંચ થયા છે, જેના પરિણામે તેના પર એક મેચનો પ્રતિબંધ મૂકવામાં આવ્યો છે. આ દંડ ટિમ ડેવિડને આગામી IPL સિઝનની (IPL 2027) પહેલી મેચ રમવાથી રોકશે - પછી ભલે તે RCB માટે રમે કે અન્ય કોઈ ટીમ માટે.