Anand Rain: આણંદ જિલ્લાના આંકલાવ તાલુકામાં લાંબા વિરામ બાદ વરસાદ શરૂ થતાં વાતાવરણમાં ઠંડક પ્રસરી ગઈ છે. વરસાદના આગમનથી ગરમી અને ઉકળાટમાંથી લોકોને રાહત મળી છે, જ્યારે સમગ્ર વિસ્તારમાં ચોમાસાનો માહોલ છવાઈ ગયો છે.

લાંબા સમયથી વરસાદની રાહ જોઈ રહેલા ખેડૂતોમાં પણ વરસાદને લઈને ખુશીની લાગણી જોવા મળી રહી છે. વરસાદના કારણે ખેતીની કામગીરીને વેગ મળશે તેવી આશા વ્યક્ત કરવામાં આવી રહી છે.

ખેડૂતોનું કહેવું છે કે, આ વરસાદથી વાવણીની કામગીરીમાં ઝડપ આવશે અને ઉભા પાકને પણ પૂરતો લાભ મળશે. વરસાદના આગમનથી કૃષિ ક્ષેત્રમાં નવી આશા જાગી છે અને આગામી દિવસોમાં સારો વરસાદ રહે તેવી ખેડૂતો અપેક્ષા રાખી રહ્યા છે.