ગાંધીનગર: ગાંધીનગર જિલ્લાના વડસર ગામે ટોયોટા કિર્લોસ્કર દ્વારા નિર્મિત લાઈબ્રેરીનું લોકાર્પણ : અમિત શાહના વરદ્હસ્તે કાર્યક્રમ યોજાયો

ગાંધીનગર જિલ્લાના વડસર ગામ ખાતે ટોયોટા કિર્લોસ્કર કંપની દ્વારા નિર્મિત આધુનિક લાઈબ્રેરીનું લોકાર્પણ કરવામાં આવ્યું હતું. આ લોકાર્પણ કેન્દ્રીય ગૃહ-સહકાર મંત્રી શ્રી અમિતભાઈ શાહના વરદ્હસ્તે કરવામાં આવ્યું, જેમાં મુખ્યમંત્રી શ્રી ભૂપેન્દ્રભાઈ પટેલ તથા અન્ય મહાનુભાવોની વિશેષ ઉપસ્થિતિ રહી હતી.

આ અવસરે ગાંધીનગર અને કલોલ તાલુકાના 20 ગામોમાં જિલ્લા વહીવટી તંત્ર તથા ટોયોટા કિર્લોસ્કરના સંયુક્ત સહયોગથી ફેઝ-1 હેઠળ પ્રિફેબ્રિકેટેડ લાઈબ્રેરીઓનું નિર્માણ પૂર્ણ કરવામાં આવ્યું છે.

આ સાથે જ ફેઝ-2 અંતર્ગત ગાંધીનગર જિલ્લાના વધુ 40 ગામોમાં આધુનિક સુવિધાઓથી સજ્જ પ્રિફેબ્રિકેટેડ લાઈબ્રેરીઓના નિર્માણ માટે જિલ્લા વહીવટી તંત્ર અને ટોયોટા કિર્લોસ્કર વચ્ચે MoU સંપન્ન કરવામાં આવ્યા છે.

આ પ્રોજેક્ટને ગ્રામ્ય વિસ્તારોના યુવાઓના શૈક્ષણિક સશક્તિકરણ અને જ્ઞાનસ્રોતના વિસ્તરણ તરફનું મહત્વપૂર્ણ પગલું માનવામાં આવી રહ્યું છે.